मुंबई - मुंबईवर झालेल्या अतिरेकी हल्ल्याला १३ वर्ष ( 26/11 Mumbai Attack ) पूर्ण झाली आहे. राज्यपाल भगतसिंह कोश्यारी ( Governor Bhagat Singh Koshyari ) यांनी आज उपमुख्यमंत्री अजित पवार ( Deputy Chief Minister Ajit Pawar ) तसेच इतर मंत्र्यांसह मुंबई पोलीस आयुक्त कार्यालय परिसरातील ( Police Commissioner's Office Mumbai ) पोलीस हुतात्मा स्मारक येथे पुष्पचक्र अर्पण करून हौतात्म्य प्राप्त झालेल्या पोलीस अधिकारी, जवान तसेच एनएसजी जवानांना श्रद्धांजली वाहिली. मुंबई पोलिसांतर्फे या कार्यक्रमाचे आयोजन केले होते.
कुटुंबियांची भेट -
भावपूर्ण वातावरणात झालेल्या कार्यक्रमात पोलीस बँड ( Police Band ) तुकडीने ‘सलामी शस्त्र’ वाजविले. यावेळी सर्व मान्यवरांनी तसेच गणवेशातील अधिकारी व पोलीस जवानांनी हुतात्म्यांना सलामी दिली. त्यानंतर राज्यपालांनी तेथे उपस्थित हुतात्मा पोलीस कुटुंबातील सदस्यांची भेट घेतली.
हे उपस्थित होते -
राज्याचे गृहमंत्री दिलीप वळसे पाटील ( Dilip Walse Patil ), पर्यावरण व राजशिष्टाचार मंत्री आदित्य ठाकरे ( Aditya Thackeray ), गृह राज्यमंत्री शंभू राजे देसाई, मुख्य सचिव सीताराम कुंटे, गृह विभागाचे अतिरिक्त मुख्य सचिव मनुकुमार श्रीवास्तव, पोलीस महासंचालक संजय पाण्डे व मुंबईचे पोलीस आयुक्त हेमंत नगराळे, हुतात्म्यांचे कुटुंबीयांनी पुष्पचक्र अर्पण करून श्रद्धांजली वाहिली. वरिष्ठ पोलीस अधिकारी तसेच सेवा निवृत्त पोलीस अधिकारी उपस्थित होते.
