विरार - विरारमध्ये गरबा खेळणे पिता-पुत्राच्या जीवावर चांगलेच बेतले ( Unfortunate death father and son ) आहे. विरार पश्चिमेच्या ग्लोबल सिटी ( Global City of Virar West ) येथे राहणारा मनीष नरपत जैन हा रात्रीच्या सुमारास बिल्डिंगच्या आवरात गरबा खेळत होता. यावेळी त्याला अचानक हृदयविकाराचा झटका ( Son suffered heart attack while playing Garba ) आला. यावेळी त्याच्या वडिलांनी, तिथे असलेल्या नागरिकांनी त्याला विरारच्या संजीवनी रुग्णालयात नेले. मात्र, उपचाराआधीच त्यांचा मृत्यू झाला.मुलाचा मृत्यू झाल्याचे पाहून त्याचचे वडील नरपत जैन यांनाही हृदयविकाराचा झटका ( Father also heart attack ) आल्याने ते कोसळले. या घटनेत त्यांचाही जागीच मृत्यू झाला. एकाच दिवशी घरातील दोन सदस्यांचा असा दुर्दैवी मृत्यू झाल्याने हळहळ व्यक्त करण्यात येत आहे.
पालघर जिल्ह्यातील विरार शहरात गरबा कार्यक्रमात नाचताना एका 35 वर्षीय व्यक्तीचा मृत्यू झाला. पोलिसांनी सोमवारी ही माहिती दिली. विरार पोलिसांच्या एका अधिकाऱ्याने सांगितले की, शनिवार-रविवारच्या मध्यरात्री विरारमधील ग्लोबल सिटी कॉम्प्लेक्समध्ये गरबा कार्यक्रमात मनीष नरपत जैन नाचत असताना खाली पडला. त्याला विरारच्या संजीवनी रुग्णालयात नेण्यात आले, तेथे त्याला तपासून मृत घोषित करण्यात आले. पोलिसांनी सांगितले की, मुलाचा मृत्यू झाल्याचे पाहून त्यांचे वडीलही खाली कोसळले. त्यांचा ही या घटनेत जागीच मृत्यू झाला. मृतदेह शवविच्छेदनासाठी पाठवण्यात आले असून या संदर्भात अपघाती मृत्यूची नोंद करण्यात आली आहे, असे अधिकाऱ्याने सांगितले.
