मुंबई - विक्रोळीत शिवसेनेच्या वतीने फेरीवाल्यांना 10 रुपयांच्या पावत्या दिल्या जात आहेत. या पावत्यांनवर शिवसेना शाखा 118 अस लिहिलेले असून या पावतीवर बाळासाहेब ठाकरे, मुख्यमंत्री उद्धव ठाकरे आणि मंत्री आदित्य ठाकरे यांचे फोटो आहेत. तसेच स्थानिक आमदार सुनील राऊत आणि नगरसेवक उपेंद्र सावंत यांचेही फोटो आहेत.
जे काम महापालिकेचे आहे ते काम शिवसेना करत आहेत. सार्वजनिक पदपंथाचा वापर करणाऱ्याना उपद्रव कमी करण्यासाठी आणि कचरा निर्मुलन करण्यासाठी आकार अस या पावतीवर लिहून पैसे वसूल केले जात आहेत. यावर मनसे ने आक्षेप घेतला आहे, तर फेरीवाल्यांनी 10 रुपयांच्या पावत्या फाडल्या आहेत. स्थानिक आमदार सुनील राऊत म्हणतात आमच्या नगरसेवकाने 10 रुपये मागितले 10 लाख रुपये नाही, तेही स्वच्छता करण्यासाठी मागितले तर काय झाले. विरोधक राजकारण करत आहेत, असा आरोप सुनील राऊत यांनी केला आहे.
