मुंबई - शिवसेनेचे खासदार संजय राऊत (MP Sanjay Raut) यांचे निकटवर्तीय असलेले प्रवीण राऊत (Pravin Raut ED Custody) यांना आज पहाटे ईडीने अटक केली (ED Arrested Pravin Raut) होती. प्रवीण राऊत यांना पत्रा चाळ जमीन घोटाळ्याप्रकरणी ईडीने अटक केली आहे. प्रवीण राऊत यांना मुंबईतील सत्र न्यायालयातील PMLA न्यायालयात हजर करण्यात आले होते. न्यायालयाने त्यांना 9 फेब्रुवारीपर्यंत ईडी कोठडी दिली आहे.
न्यायालयाबाहेर आणताना प्रवीण राऊत
- ED ने आज प्रवीण राऊत यांना केली होती अटक -
पीएमसी बँक घोटाळा प्रकरणी ईडीने संजय राऊत यांचे निकटवर्तीय असलेले प्रवीण राऊत यांची 72 कोटी रुपये किमतीची मालमत्ता जप्त केली होती. पीएमसी बँकेतील 4 हजार 300 कोटी रुपयांचा घोटाळा प्रकरणी ईडी तपास करत आहे. या प्रकरणात मुंबई पोलिसांच्या गुन्हे शाखेने प्रवीण राऊत यांना फेब्रुवारी 2021 मध्ये अटक केली होती. पीएमसी बँकेचे 90 कोटी रुपये हडपल्याचा त्यांच्यावर आरोप आहे.
