मुंबई - मुंडे-महाजन ( Gopinath Munde Pramod Mahajan ) यांच्या लेन्समधून स्वतःला मोठे करत, पवार ( Sharad Pawar ) यांच्या लेन्समधून बघण्याचे भाग्य धनंजय मुंडे ( Dhananjay Munde ) यांना मिळाले, असा खोचक टोला भाजप नेत्या पंकजा मुंडे ( BJP Leader Pankaja Munde ) यांनी यांना धनंजय मुंडे यांना लगावला आहे. तर धनंजय मुंडे ( Dhanajay Munde Replied To Pankaja Munde ) यांनी पंकजा मुंडे यांना महाविकास आघाडीच्या लेन्समधून बघायला हवे, असे सांगत खुली ऑफर दिली. पंकजा मुंडे यांनी देखील दिलखुलास दाद देत धनंजय मुंडे ऑफर नाकारली. सभागृहात यावेळी एकच हशा पिकला. भाषणासाठी जाताना व्यासपीठावर बसलेल्या पंकजा ताईच्या डोक्यात धनंजय मुंडे यांनी प्रेमाने टपली मारली. राष्ट्रवादी कॉंग्रेसचे सर्वेसर्वा शरद पवार यांच्या उपस्थितीत मुंडे बंधू भगिनीमधलं हे नातं बघायला मिळालं. नेत्रचिकित्सक डॉ. तात्याराव लहाने यांच्या रघुनाथ रुग्णालयाचा लोकापर्ण सोहळा मुंबईत पार पडला. राष्ट्रवादी काँग्रेसचे सर्वेसर्वा शरद पवार, मंत्री आदित्य ठाकरे, मंत्री धनंजय मुंडे, मंत्री अमित देशमुख, भाजपच्या नेत्या पंकजा मुंडे, प्रीतम मुंडे आदी सर्वपक्षीय नेते व्यासपीठावर उपस्थित होते.
काय म्हणाल्या पंकजा मुंडे - अनुभवाच्या राजकीय दृष्टीच्या लेन्सेस आज कोणाकडेही नसतील. असे शरद पवार, ज्यांच्या लेन्सेस सगळ्यांना सूट करतील, असे बाळासाहेब थोरात, नवीन दृष्टी देण्याची अपेक्षा असणारे, ज्यांच्या लेन्सेसकडे युवक आज बघत आहेत, असे आदित्य ठाकरे, सोफिस्टिकेटेड लेन्सेस अमित देशमुख आणि मुंडे-महाजनांच्या लेन्सेसमधून स्वत: ला मोठ करत करत आज पवारसाहेबांच्या लेन्सेसमधून बघण्याचे भाग्य खूप कमी लोकांना लाभले. त्यातील एक आमचे बंधू धनंजय मुंडे' असा उल्लेख करत पंकजा मुंडेंनी भाषणाची सुरुवात केली. मला आणखी चष्मा लागला नाही, पण माझ्या भावाला चष्मा लागल्याची कोटी केली. तसेच रघुनाथ मुंडे विरोधात गोपीनाथ मुंडे यांनी लढवलेल्या निवडणुकीची आठवण करुन दिली. दोघांच्या राजकारणाच्या पलिकडे प्रेम होते, असे सांगत धनंजय मुंडेंना कोपरखळी मारली.
धनंजय मुंडेंचा पंकजा मुंडेंना चिमटा - सन १९७८ ला झालेल्या विधानसभेच्या निवडणुकीत रघुनाथ मुंडे विरुद्ध गोपीनाथराव मुंडे अशी झाली. या निवडणुकीत मुंडे यांचा पराभव झाला. त्याच वर्षी जिल्हा परिषदेच्या निवडणुका झाल्या. ती जिल्हा परिषदेची निवडणूक गोपीनाथ मुंडे यांनी जिंकल्याची आठवण धनंजय मुंडे यांनी करुन दिली. रघुनाथ मुंडे यांच्यासारखा मोठ्या दृष्टीचा दुसरा नेता नव्हता, असे सांगत धनंजय मुंडे यांनी पंकजा मुंडे यांना चिमटा काढला. पंकजा यांना लेन्सेस बदलल्या आणि महाविकास आघाडीच्या लावल्या तर, असे आदित्य ठाकरे म्हणाल्याचे धनंजय मुंडे सांगितले. बहिण भावाचे राजकीय वैर जगाला माहित आहे. पण काही व्यक्तिंसाठी आमचे वैर काही नाही. ती व्यक्ती आमच्यासाठी महत्वाची असल्याचे मुंडे म्हणाले. बीड जिल्ह्याला डॉ. तात्याराव लहाने यांचा सार्थ अभिमान आहे. पुढच्या १० पिढीला तो तसाच अभिमान राहील. परंतु या नेत्र चिकित्सालयात सगळेच उपचार मोफत करू नका. कारण तुमचे कुटुंब आहे. थोडीशी व्यावहारिकता असली पाहिजे. मी लहान तोंडी मोठा घास घेऊन सांगतो, पण मला व्यवहारिकता जमत नाही. हे आमच्या ताईला चांगले माहिती आहे, असे धनंजय मुंडे यांनी सांगत पंकजा मुंडेंना चिमटा काढला.
हेही वाचा - धक्कादायक..! पत्नीला मित्रांसोबत संबंध ठेवण्यास पतीने भाग पाडले, तिघांवर गुन्हा दाखल
