मुंबई - कोणत्याही पक्षाने कोणत्याही नेत्याच्या घरावर आंदोलन करणे योग्य नाही. अशा आंदोलनांमध्ये एकमेकांच्या पक्षाचे कार्यकर्ते समोरासमोर आल्यास हाणामारी होण्याची शक्यता असते. (Nawab Malik On Agitation) त्यामुळे अशा आंदोलनाचा पायंडा महाराष्ट्रात पडू नये असं वाटतं राष्ट्रवादी काँग्रेसचे प्रवक्ते आणि राज्याच्या अल्पसंख्याक मंत्री नवाब मलिक यांनी व्यक्त केला आहे. मुंबईकर प्रसारमाध्यमांशी बोलताना त्यांनी हे वक्तव्य केले.
नवाब मलिक यांनी अप्रत्यक्षपणे टीका केली
महाराष्ट्रातून गेलेल्या मजुरांमुळेच देशभर करोना पसरला असं वक्तव्य पंतप्रधान नरेंद्र मोदी यांनी लोकसभेत केल होत. या वक्तव्यावरून पंतप्रधानांनी महाराष्ट्राची माफी मागावी यासाठी काँग्रेसचे राज्यभर आंदोलन सुरू असून आज भाजप नेते देवेंद्र फडणवीस यांच्या घरा बाहेर काँग्रेसने आंदोलन करण्याचा प्रयत्न केला. यावेळी भारतीय जनता पक्षाच्या नेत्यांनी ही काँग्रेसला आक्रमक आंदोलन करु उत्तर दिले. मात्र काँग्रेसने केलेल्या या आंदोलनावर नवाब मलिक यांनी अप्रत्यक्षपणे टीका केली आहे. कोणत्याही राजकीय पक्षाने अशा प्रकारचे आंदोलन केल्यामुळे प्रशासन आणि पोलिसांवरचा ताण वाढतो. त्यामुळे सर्वच पक्षाने याबाबत संयम राखला पाहिजे. तसेच आंदोलनासाठी दिलेल्या जागेवर आंदोलन केली पाहिजेत असा सल्लाही नवाब मलिक यांच्या कडून घेण्यात आला आहे.
सेलूचे नगराध्यक्ष राष्ट्रवादीचे नाहीत
सेलू नगरपरिषदेचे नगराध्यक्ष विनोद बोराडे आणि चोवीस नगरसेवकांनी काल काँग्रेसमध्ये प्रवेश केला होता. हे सर्व राष्ट्रवादी काँग्रेसचे असल्याचा काँग्रेसकडून सांगितले जात असले तरी हे नगराध्यक्ष आणि नगरसेवक राष्ट्रवादी काँग्रेसचे नाहीत. विनोद बोराडे हे अशोक चव्हाण यांचे निकटवर्तीय आहेत. स्थानिक आघाडी करून ते नगराध्यक्ष झाले होते. त्यामुळे राष्ट्रवादी काँग्रेसचे नगरसेवक काँग्रेसमध्ये सामील झाला असं म्हणणं चुकीचं असून यामध्ये केवळ दोन नगरसेवक राष्ट्रवादी काँग्रेसचे असल्याचं स्पष्टीकरण नवाब मलिक यांनी आज पत्रकारांशी बोलताना दिले.
भाजपचे निकटवर्तीय कोट्यवधीचे घोटाळे करतात
भारतीय जनता पक्षाच्या नेत्यांच्या निकटवर्ती असणाऱ्या कडून बँकांना लुटण्याचे काम सुरू आहे. बँकेत झालेला अनेक घोटाळ्यांमध्ये भारतीय जनता पक्षाच्या नेत्यांचा थेट संबंध समोर येतोय. भाजप नेत्यांकडून बँक लुटण्याचा धंदा सुरू असून यामध्ये त्यांचे निकटवर्तीय सामील असल्याचा टोला नवाब मलिक यांनी भारतीय जनता पक्षाला लगावला आहे.
हेही वाचा - Shiv Sena Press Conference Today : कोण आहेत भाजपचे साडेतीन लोक? शिवसेनेची आज पत्रकार परिषद
