मुंबई - शिवसेनेचे मंत्री एकनाथ शिंदे यांनी पक्षातून बंड केले आहे. हे बंड सामान्य नागरिकांना आवडलेले नाही. सर्वसामान्य मुंबईकरांनी (mumbaikar's)यावर प्रतिक्रीया ( reaction) दिल्या आहेत.बंडखोरी करणारे लोक जनतेकडे दुर्लक्ष करतात, असे लोक स्वतःची पोट भरतात. असे होता कामा नये. ही विश्र्वासघातकी माणसे आहेत. हे असेच सुरू राहणार, सामान्य नागरिक भरकटत राहणार अशी प्रतिक्रिया सामान्य मुंबईकरांनी दिली आहे.
आत्तापर्यंत सर्व काही योग्य चालले होते. सरकार चांगले काम करत आहे. मुंबईत महाविकास आघाडीने अनेक कामे केली आहेत. क्लीन मुंबई ग्रीन मुंबई, बेस्टच्या नवीन बसेस सुरू केल्या आहेत. जे लोक इतर पक्षात जात आहेत त्यांना कोणी मोठी पदे देण्याचे आमिष दाखवले असेल. म्हणून ते इकडे तिकडे जात असतील. असे होता कामा नये. सध्यस्थितीत लोकांना समोर ठेवून कामे करण्याची गरज आहे. एकनाथ शिंदे यांनी फार चुकीचे केले. राजकीय वर्तूळात बरीच चर्चा सुरू आहे अशा प्रतिक्रिया सामान्य मुंबईकरांनी दिल्या आहे.
ठाकरे आणि शिंदेमध्ये झाला होता वाद - शिवसेनेच्या 56 व्या वर्धापनदिनी पक्षप्रमुख उद्धव ठाकरे आणि एकनाथ शिंदे यांच्यामध्ये खडाजंगी झाली होती. त्या दिवसांपासून एकनाथ शिंदे नाराज होते. त्यामुळे वर्धापनदिनी नाव असतानाही एकनाथ शिंदेंनी मार्गदर्शन करण्यास नकार दिला होता. शिंदे गटांमध्ये यावरून दोन दिवस खदखद सुरू होती. त्यापार्श्वभूमीवर विधान परिषदेची निवडणूक पार पडल्यानंतर एकनाथ शिंदे आणि त्यांचे निकटवर्तीय बारा आमदार गायब झाले आहेत. शिंदे यांना शिवसेनेकडून सातत्याने संपर्क साधला जातो आहे. परंतु, शिंदे यांचा मोबाईल बंद असल्याने शिवसेनेची डोकेदुखी वाढली आहे. त्यानंतर शिवसेनेचे दोन दूत मुख्यमंत्री उद्धव ठाकरे यांचा निरोप घेवून सुरत येथे शिंदे यांची भेट घ्यायला गेले होते.
हेही वाचा- सध्या आमच्यासोबत 46 आमदार, गुवाहाटीत बैठकीनंतर पुढील रणनिती ठरणार - एकनाथ शिंदे
