मुंबई - आज तिथीनुसार शिवजयंती ( Chhatrapati Shivaji Maharaj Jayanti 2022 ) निमित्त मनसेकडून दादरच्या शिवाजी पार्क ( Dadar Shivaji Park ) मध्ये मोठ्या उत्सवाचे आयोजन करण्यात आले होते. या सोहळ्यासाठी संपूर्ण महाराष्ट्रातून मनसेचे कार्यकर्ते दादर मध्ये दाखल झालेले. यावेळी मनसे अध्यक्ष राज ठाकरे ( MNS Leader Raj Thackeray ) यांनी कार्यकर्त्यांना एक शपथ देखील दिली आहे.
यावेळी बोलताना राज ठाकरे म्हणाले की, "आज महाराजांच्या जयंती निमित्त मी शपथ घेतो की स्वराज्याच्या उभारणीनंतर महाराजांनी जी स्वराज्याची घडी बसवण्याचा प्रयत्न केला. त्याला अनुसरून महाराष्ट्रात सुराज्याच्या निर्मितीसाठी आम्ही प्रयत्नांची पराकाष्ठा करू. जाती-जातीत विभागला गेलेला समाज एक रहावा यासाठी प्रयत्न करू. महिलांचा आत्मसन्मान व नागरिकांच्या सुदृढ आरोग्य यासाठी सदैव काम करू," अशी शपथ राज ठाकरे यांनी कार्यकर्त्यांना दिली आहे.
लहान मुलांसोबत संवाद
दरम्यान, यावेळी राज ठाकरे यांनी लहान मुलांसोबत देखील संवाद साधला. यातील एक चिमुकला छत्रपती शिवाजी महाराज यांची वेशभूषा करून आला होता. राज ठाकरे यांनी त्याची विचारपूस केली व त्याच्याशी संवाद साधला. काही तरुण रायगडावरून शिवज्योत घेऊन आले होते, त्यांच्याशीही राज ठाकरे यांनी चर्चा केली आहे.
हेही वाचा - Malik has no bail: 4 एप्रिलपर्यंत न्यायालयीन कोठडी, नवाब मलिकांचा जेलमधील मुक्काम वाढला
