मुंबई - मनसे नेते अमित ठाकरे यांचे फुटबॉल प्रेम हे सर्वानाच माहीत आहे. अनेक वेळा त्यांना फुटबॉल खेळताना पाहिले गेले होते. शनिवारी देखील दादर शिवाजी पार्क येथे अमित ठाकरे यांनी फुटबॉलचा आनंद लुटल्याचे दृश्य पाहायला मिळाले. पक्षाचे माहीम विभाग अध्यक्ष यशवंत किल्लेदार यांनी फुटबॉल सामन्यांचे आयोजन केले होते. या सामन्याच्या उद्घाटनाला अमित ठाकरे यांना बोलवण्यात आले होते. त्यांनी सामन्याचे उद्घाटन तर केलेच शिवाय, या त्यांनी सामन्यात स्वतः सहभागी होऊन खेळाचा मनमुराद आनंद लुटला.
अमित ठाकरेंनी लुटला फुटबॉलचा आनंद
विशेष म्हणजे यावेळी पाऊस पडला असल्याने मैदानावर पाणी साचले होते. पावसाच्या साचलेल्या पाण्यात आणि चिखलाने माखलेल्या मैदानात अमित ठाकरे यांनी फुटबॉल खेळण्याच्या मोहाला आवर न घालता या सामन्यात सहभाग नोंदवला आणि खेळाचा आनंद लुटला.
