मुंबई - स्थानिक स्वराज्य संस्था आणि प्राधिकरणे यांचा कारभार मराठीतूनच झाला पाहिजे यासाठी आज (गुरुवार) विधानसभेत आज महाराष्ट्र राज्यातील स्थानिक प्राकिरणांच्या शासकीय प्रयोजनांसाठी मराठी भाषेचा वापर करण्यासाठी तरतूद करण्यासाठी विधेयक मांडण्यात ( Marathi rajbhasha bill pass in Assembly ) आले होते. हे विधेयक एकमताने पारीत करण्यात आले आहे. या कायद्याला पाठींबा देताना या विधेयकावर बोलताना आमदार ॲड. आशिष शेलार यांनी जनतेला मराठीतून कामकाज करण्याची सक्ती आणि अधिकाऱ्यांना इंग्रजीची मुभा असा दुजाभाव करणाऱ्या तरतुदी असल्याकडे लक्ष वेधले.
कामकाजाची भाषा मराठी - सर्व सरकारी, महापालिका कार्यालयात कामकाजाची भाषा मराठी असेल पण यात शासकीय प्रयोजनासाठी इंग्रजीचा वापर करण्याची मुभा देण्यात आली आहे. याचा अर्थ सर्वसामान्य नागरिकांना मराठीची अनिवार्य आणि अधिका-यांना इंग्रजीची मुभा अशी तरतूद केली जाते का? असा सवाल आमदार ॲड आशिष शेलार यांनी केला. पण त्याला उत्तर देताना मराठी भाषा मंत्री यांनी या तरतुदीचा असा अर्थ घेता येणार नाही सर्वांना कारभार मराठी भाषेतूनच करावा लागेल मात्र विविध देशांच्या दुतावासा सारख्या ठिकाणी पत्रव्यवहार करायचा असेल तीथे इंग्रजीचा वापर करता येईल, असे मंत्र्यांनी स्पष्ट केले.
राजभाषा कायदा एकमताने मंजूर - या कायद्याची प्रभावी अंमलबजावणी व्हावी तसेच याबाबत ज्या तक्रारी केल्या जातील त्याच्या निवरणासाठी जिल्हा मराठी भाषा समिती असेल अशी तरतुद या कायद्यात करण्यात आली आहे. तसेच हा कायदा झाला पाहिजे ही आमचीही भूमिका आहे. मात्र जिल्हा समितीला तक्रार निवारण व कायवाई करण्याचे अमर्याद अधिकार दिले गेले तर प्रशासकीय पातळीवर त्याचा गैरवापर होण्याची शक्यता आहे. त्यामुळे जिल्हा पतळीवर अशा समिती गठीत करण्यापेक्षा ज्या पध्दतीने प्रत्येक कार्यालयात महिलांच्या सुरक्षेसाठी समिती गठीत केली जाते. त्याप्रमाणे प्रत्येक कार्यालयात मराठी भाषेच्या प्रभावी अंमलबजावणीसाठी व त्याबाबत येणाऱ्या तक्रार निवारणासाठी समिती असावी अशी सूचना शेलार यांनी केली. सदस्यांनी केलेल्या सुचनांची दखल घेत मराठी भाषा मंत्री सुभाष देसाई यांनी दिलेल्या उत्तरानंतर हा कायदा एकमताने मंजूर करण्यात आला.
हेही वाचा - KCR IN Kolhapur : तेलंगणाचे मुख्यमंत्री के. चंद्रशेखर राव यांचे कोल्हापूर विमानतळावर आगमन
