मुंबई - सामाजिक न्याय विभागाच्या ( Social Justice Department ) अंतर्गत असलेल्या चार महामंडळांच्या बीज भांडवलामध्ये ( Four Mahamandal Seed Capital Increased ) भरघोस वाढ करण्यात आली आहे. आज ( 28 एप्रिल ) मंत्रिमंडळाच्या बैठकीत ( Maharashtra Cabinet Meeting ) हा निर्णय घेण्यात आल्याची माहिती सामाजिक न्यायमंत्री धनंजय मुंडे ( Minister Dhananjay Munde ) यांनी दिली आहे.
राज्य सरकारच्या सामाजिक न्याय विभागाच्या अंतर्गत येणाऱ्या विविध महामंडळांच्या बीज भांडवलात वाढ करण्याचा निर्णय सरकारने घेतला आहे. त्यात महात्मा ज्योतिबा फुले मागासवर्गीय विकास महामंडळाच्या ( Mahatma Phule Magaswargiya Vikas Mahamandal ) पाचशे कोटी रुपयांच्या बीज भांडवलात वाढ करून एक हजार कोटी रुपये करण्याचा निर्णय घेण्यात आला आहे. साहित्यरत्न अण्णाभाऊ साठे आर्थिक विकास महामंडळाच्या ( Annabhua sathe Vikas Mahamandal ) ३०० कोटींच्या बीज भांडवलात वाढ करून एक हजार कोटी रुपये केले आहे.
रोहिदास चर्मकार आर्थिक विकास महामंडळाच्या बीज भांडवलामध्ये वाढ करत ३०० कोटींहून एक हजार कोटींपर्यंत वाढवले आहे. तर, दिव्यांग आणि अपंग वित्तविकास महामंडळाच्या ५० कोटी रुपयांच्या भांडवलात वाढ करून ते ५०० कोटी रुपये करण्यात आले आहे, अशी माहिती धनंजय मुंडे यांनी दिली आहे.
हेही वाचा - Nawab Malik Bail Application : नवाब मलिक यांच्याकडून वैद्यकीय शस्त्रक्रियेसाठी सत्र न्यायालयात जामीन अर्ज
