मुंबई - एनआयएने फरारी गुंड दाऊद इब्राहिमवर Underworlddon Dawood Ibrahim 25 लाखांचे बक्षीस जाहीर केले आहे. 1 सप्टेंबर रोजी (पीटीआय) राष्ट्रीय तपास संस्थेने फरारी अंडरवर्ल्ड डॉन दाऊद इब्राहिम याला अटक करण्यासाठी तसेच कोणत्याही माहिती देणाऱ्यासाठी 25 लाखांचे रोख बक्षीस 25 lakh reward for information about Dawood जाहीर केले आहे. दरम्यान, एका पोलिसाचा मुलगा असलेला दाऊद अंडरवर्ल्ड डॉन कसा झाला, याबाबत माहिती जाणून घ्या....
दाऊद कसा झाला डॉन - अंडरवर्ल्ड डॉन दाऊदचे पूर्ण नाव दाऊद इब्राहिम कासकर आहे. त्याचा जन्म २७ डिसेंबर १९५५ ला रत्नागिरी जिल्‍ह्यामध्‍ये झाला. त्याचे वडील शेख इब्राहिम अली कासकर मुंबई पोलिस दलात शिपाई होते. त्यांना दाऊदसह एकूण सात मुलं होती. दाऊदचे लहानपण मुंबईच्‍या डोंगरी परिसरामध्‍ये गेले. सात मुलं असल्याने त्याच्या आई-वडिलांचेही त्याच्याकडे दुर्लक्ष झाले. कळायला लागल्यावर दाऊद ड्रग्स सप्लायर बनला. छोट्या-छोट्या चोऱ्याही करायला लागला. मित्रांच्या मदतीने लूटपाट करणेही त्‍याने सुरू केले. दाऊदचे जे थोडेफार शिक्षण झाले ते मराठीतून झाले. दाऊद उत्तम मराठी बोलतो. मराठीवर त्याचे भाषेवर खूप प्रेम आहे.
1993 च्या मुंबई साखळी बॉम्बस्फोट प्रकरणी 1993 Mumbai serial blasts case एका अधिकाऱ्याने गुरुवारी सांगितले की, तपास एजन्सीने इब्राहिमचा जवळचा सहकारी शकील शेख उर्फ छोटा शकील याच्यावर 20 लाख रुपये 20 lakhs reward on Chhota Shakeel आणि सहकारी हाजी अनीस उर्फ अनीस इब्राहिम शेख, जावेद पटेल उर्फ जावेद चिकना Javed Chikna आणि इब्राहिम मुश्ताक अब्दुल रज्जाक यांच्यावर प्रत्येकी 15 लाख रुपयांचे रोख बक्षीस जाहीर केले आहे.
'डी कंपनी' विरोधात गुन्हा - हे सर्वजण 1993 च्या मुंबई साखळी बॉम्बस्फोट प्रकरणी 1993 Mumbai serial blasts case वॉन्टेड आरोपी आहेत. अधिकाऱ्याने सांगितले की, एनआयएने त्यांच्याबद्दल माहिती मागवली आहे. ज्यामुळे त्यांना अटक होऊ शकते. एजन्सीने फेब्रुवारीमध्ये 'डी कंपनी' विरोधात गुन्हा दाखल केला होता. दाऊद इब्राहिम कासकरला संयुक्त राष्ट्राने जागतिक दहशतवादी म्हणून जाहीर केले आहे.
दहशतवादी संघटनांसोबत सक्रिय - अनीस इब्राहिम शेख, छोटा शकील, जावेद चिखना आणि टायगर मेमन यांसारख्या त्याच्या जवळच्या साथीदारांसह डी-कंपनी नावाचे आंतरराष्ट्रीय दहशतवादी नेटवर्क चालवते. एनआयएने एका निवेदनात म्हटले आहे की, ते शस्त्र तस्करी, नार्को दहशतवाद, अंडरवर्ल्ड गुन्हेगारी सिंडिकेट, मनी लाँड्रिंग, एफआयसीएनचे संचलन, दहशतवादी निधी उभारण्यासाठी महत्त्वाच्या मालमत्तेचा अनधिकृत ताबा/संपादन आणि लष्करासह आंतरराष्ट्रीय दहशतवादी संघटनांसोबत सक्रिय सहकार्याने काम करणे यासारख्या विविध दहशतवादी-गुन्हेगारी क्रियाकलापांमध्ये त्यांचा सहभाग आहे.
हेही वाचा - Farmer suicide in Melghat कृषिमंत्री मेळघाटात असताना आदिवासी शेतकऱ्याने केली आत्महत्या
