मुंबई - मुंबईत गुरुवारप्रमाणेच शुक्रवारीही पावसाचा जोर कायम ( Heavy rains in Mumbai ) राहणार आहे. हवामान खात्याच्या अंदाजानुसार मुंबईसह राज्यातील विविध जिल्ह्यांमध्ये मुसळधार पावसाची शक्यता ( torrential rain ) आहे. हवामान खात्याने विदर्भ, मराठवाडा, मध्य महाराष्ट्र आणि कोकणातही पावसाचा इशारा ( Rain warning in Konkan ) दिला आहे. तसेच मुंबई, रायगड आणि रत्नागिरीत पावसाबाबत ऑरेंज अलर्ट जारी करण्यात आला आहे. हवामान खात्यानुसार, राज्यात 6 जुलैपर्यंत अधूनमधून पाऊस सुरू राहणार आहे.
तर मुंबई जलमय - मुंबईत पावसामुळे रेल्वे आणि बससेवेवर परिणाम झाला आहे. सायन, दादर, शिवडी, कुर्ला, चेंबूर, वांद्रे, परळ, वडाळा यासह मुंबईतील अनेक भागात मुसळधार पाऊस झाला आहे. मुंबईत आज सकाळपासून संततधार पाऊस सुरू आहे. अशा परिस्थितीत येत्या काळात हा पाऊस थांबला नाही तर, मुंबईकरांच्या अडचणीत आणखी वाढ होऊ शकते.
सतर्कतेचा इशारा - देशाची आर्थिक राजधानी असणाऱ्या मुंबईला दरवर्षी पावसाळ्यात पाणी साचण्याच्या समस्येचा सामना करावा लागतो, त्यामुळे प्रवाशांची आणि रहिवाशांची गैरसोय होते. यापूर्वी रविवारी, आयएमडीच्या प्रवक्त्यानी नागरिकांना सोमवारी बाहेर पडताना सावधगिरी बाळगण्याचा सल्ला दिला होता. "पुढील दोन किंवा तीन दिवसांत शहरात सुमारे 130 मिमी पाऊस पडू शकतो, जो मुंबईच्या मानकांनुसार धोकादायक नसनार आहे मात्र, परंतु त्यामुळे पाणी साचू शकते," असे अधिकारी म्हणाले.
आतापर्यंत मुंबईत पाऊस - विशेष म्हणजे, नैऋत्य मान्सून सुरू होण्याची अधिकृत तारीख 11 जून होती, परंतु अहवालानुसार, मुंबई आणि महाराष्ट्राच्या इतर भागात गेल्या काही दिवसांपासून ढगाळ आकाश आणि मधूनमधून पाऊस पडत आहे. रविवारी पहाटे विविध भागात मोसमातील पहिला जोरदार पाऊस झाला. IMD नुसार, मुंबईत आतापर्यंत सुमारे 16.2 मिमी पाऊस पडला आहे, तर ठाणे आणि पालघरमध्ये अनुक्रमे 1.3 मिमी आणि 7.77 मिमी पाऊस पडला आहे.
हवेची गुणवत्ता वाढली - संततधार पावसामुळे मुंबईतील हवेची गुणवत्ता ‘चांगल्या’ श्रेणीत नोंदवण्यात आली आहे. सिस्टीम ऑफ एअर क्वालिटी अँड वेदर फोरकास्टिंग अँड रिसर्च (SAFAR) नुसार, सोमवारी सकाळी एकूण AQI 29 नोंदवले गेले. सरकारी एजन्सीच्या मते, शून्य आणि ५० मधील AQI 'चांगला' मानला जातो, 51 आणि 100 मधील AQI 'समाधानकारक' मानला जातो. 101 आणि 200 'मध्यम', 201 ते 300 'गंभीर', 301 ते 400 'अत्यंत गंभीर' आणि 401 ते 500 'गंभीर' मानले जातात.
हेही वाचा - Radhakrishna Vikhe Patil : विधानसभा अध्यक्षपदासाठी भाजपकडून राधाकृष्ण विखे पाटील यांचे नाव चर्चेत
हेही वाचा - 16 आमदार अपात्रतेसंदर्भात तातडीच्या सुनावणीस सुप्रीम कोर्टाचा नकार, ११ जुलैलाच होणार सुनावणी
