नवी मुंबई कामोठ्यात एका डेंटल कॉलेजच्या (Ragging in Dental College at Kamothe) विद्यार्थ्याची रॅगिंग झाल्याचा प्रकार समोर आला आहे. याप्रकरणी चार विद्यार्थ्यांवर कामोठे पोलीस ठाण्यात गुन्हा नोंद (case registered against students) झाला असून त्यांना महाविद्यालयाने निलंबित केले आहे. विद्यार्थ्याला दारू पाजून पॅन्टमध्ये लघुशंका करण्यास दबाव (Pressure to pee in pants) टाकल्याचा हा प्रकार आहे. कॉलेजच्या अँटी रॅगिंग समितीच्या (Anti Ragging Committee) एका प्राध्यापकाने तक्रार केल्यानंतर कामोठे पोलिसांनी चार विद्यार्थ्यांवर रॅगिंग केल्याप्रकरणी गुन्हा दाखल केला आहे. ही घटना जुलैमध्ये घडली होती, बरेच दिवस तणावात राहून पीडित मुलाने अखेर आपल्यासोबत झालेल्या छळाची माहिती पालकांना दिली.
19 वर्षीय विद्यार्थ्याची रॅगिंग (Ragging of 19-year-old student) डेंटल कॉलेजच्या चार विद्यार्थ्यांवर ज्युनिअर विद्यार्थ्याची रॅगिंग केल्याप्रकरणी गुन्हा दाखल करण्यात आला आहे. कॉलेजने नोंदवलेल्या तक्रारीनुसार, चौघांनी १९ वर्षीय तरुणाला दारू प्यायला लावली. त्याचबरोबर त्याला पँटमध्ये लघुशंका करण्यास दबाव टाकला. महाविद्यालयाने या चारही विद्यार्थ्यांना निलंबित केले आहे.
कामोठे पोलीस ठाण्यात गुन्हा नोंद डेंटल पदवी अभ्यासक्रमाच्या पहिल्या वर्षात शिकत असलेला विद्यार्थी कामोठे येथे आपल्या 3 साथीदारांसह राहत होता. याच ठिकाणी दुसऱ्या फ्लॅटवर तीसऱ्या वर्षात शिकत असेलेले विद्यार्थी राहत होते. चार वरिष्ठांनी पीडित विद्यार्थी आणि त्याच्या साथीदारांना त्यांच्या जागेवर येण्यास सांगत त्यांना दारू पिण्यास भाग पाडले. यावेळी पीडित तरुणाला लघुशंका आली असता त्या विद्यार्थ्यांनी त्याला लघुशंका करण्यापासून रोखत त्याला अधिक पाणी पिऊन लघुशंका रोखून धरण्यास सांगितले. त्यानंतर त्या चार विद्यार्थ्यांनी पीडित विद्यार्थ्यांला पॅन्टमध्ये लघुशंका करण्यासाठी दबाव टाकला. अशी तक्रार कॉलेजच्या अँटी रॅगिंग समितीच्या एका प्राध्यापकाने केल्यानंतर कामोठे पोलिसांनी चार विद्यार्थ्यांवर रॅगिंग केल्याप्रकरणी गुन्हा दाखल केला आहे.
