मुंबई : अलीकडे सोशल मीडियावरून ( Social media ) अश्लील व्हिडीओ ( Porn videos ) तयार करून अथवा फोटो मॉर्फिंग ( Photo morphing ) करून खंडणी उकळण्याचे प्रमाण दिवसेंदिवस वाढत आहे. असाच एक प्रकार अंधेरी परिसरात घडला आहे. बांधकाम क्षेत्रातील प्रसिद्ध कंपनीच्या संचालकाची तंत्रज्ञानाच्या मदतीने अश्लील व्हिडीओ तयार करून संचालकाकडे खंडणी मागितल्याची धक्कादायक घटना उघकीस आली आहे. आरोपीने संचालकांच्या नावाने सोशल मीडियावर दोन बनावट प्रोफाईल तयार करून त्यांचे काका, इतर मित्रांना फ्रेंडशिप रिक्वेस्ट पाठवून बदनामी केली. याप्रकरणी बांधकाम व्यावसायिकाच्या तक्रारीवरून जुहू पोलिसांनी अनोळखी आरोपीविरोधात गुन्हा दाखल केला आहे.
इंस्टाग्रामवर झाली होती ओळख २६ वर्षीय तक्रारदार प्रसिद्ध बांधकाम कंपनीचे संचालक आहेत. त्यांचे इन्स्टाग्रामवर अकाउंट ( Instagram ) आहे. त्यांना रविवारी इन्स्टाग्रामवर एका महिलेची फ्रेंडशिप रिक्वेस्ट आली होती. ती रिक्वेस्ट त्यांनी स्वीकारल्यानंतर सोमवारी महिलेने मला ओळखले का? असे तक्रारदाराला विचारले. त्यानंतर संचालक, अज्ञात महिलेचे इन्स्टाग्रामवर चॅट सुरु झाले. महिलेने संचालकाला व्हिडिओ कॉल करू का, अशी विचारणा केली. त्यावर संचालकाने होकार दिल्यानंतर महिलेने त्याला व्हिडिओ कॉल केला.
व्हिडीओ कॉलवरून महिलेने केले अश्लील चाळे व्हिडीओ कॉलवरून महिला अश्लील चाळे ( obscene chale ) करीत होती. तक्रारदारांनी दूरध्वनी ठेवला असता महिलेने तंत्रज्ञानाच्या मदतीने त्यांची चित्रफीत तयार करून त्यास पाठवली. त्याचप्रमाणे ७० हजार रुपये खंडणीची मागणी केली. ती रक्कम न दिल्यास बदनामी करण्याची धमकी तिने त्यास दिली. तक्रारदाराने आरोपी महिलेला खंडणीची रक्कम दिली नाही.
हेही वाचा - IT Raid In Jalna राहुल अंजलीच्या लग्नाचे बनले वऱ्हाडी, जालन्यात आयकरकडून 390 कोटींचे घबाड जप्त
तक्रारदाराच्या काकाला पाठवला अश्लील व्हिडीओ त्यानंंतर तक्रारदाराच्या काकांनी तक्रारदार असलेल्या संचालकाला कॉल केला. त्यावेळी तक्रारदाराच्या नावाने तयार करण्यात आलेल्या प्रोफाईलवरून त्यांना फ्रेंडशिप रिक्वेस्ट आली असून त्यात तक्रारदाराचा अश्लील व्हिडीओ असल्याचे काकांनी तक्रादारास सांगितले. त्यानंतर तक्रारदारांचे मित्र, नातेवाईकांनीही दूरध्वनी करून त्यांनाही अशा प्रकारे प्रोफाईलवरून फ्रेंडशिप रिक्वेस्ट आल्याचे सांगितले. त्यातही तक्रारदाराची मॉर्फ करून बनवलेली अश्लील व्हिडीओ होता, असे तक्रारदाराला सांगितले. त्यानंतर तक्रारदाराने गांभीर्याने दखल घेऊन याप्रकरणी जुहू पोलिसांकडे तक्रार केली. त्यानुसार पोलिसांनी खंडणी, धमकी आणि माहिती तंत्रज्ञान प्रतिबंधक कायद्याअंतर्गत गुन्हा ( Information Technology Prevention Act ) दाखल केला. याप्रकरणी पोलीस अधिक तपास करून आरोपीचा शोध घेत आहेत.
हेही वाचा - Achievements75 क्रीडा क्षेत्रात भारत देशाची प्रतिमा उंचावलेल्या भारतीय महिला
