मुंबई - विधान परिषद निवडणुकीत मंत्री नवाब मलिक आणि माजी गृहमंत्री अनिल देशमुख ( Nawab Malik and former Home Minister Anil Deshmukh ) यांना मुंबई उच्च न्यायालयाने मतदान करता येणार नाही, असा निकाल दिला आहे. या निकालामुळे विधान परिषदेच्या निवडणुकीत आता महा चमत्कार होईल, असा दावाही विधान परिषद विरोधीपक्ष नेते प्रविण दरेकर ( Legislative Council Opposition Leader Pravin Darekar ) यांनी केला आहे. तर हा निकाल भाजपाच्या विजयासाठी शुभसंकेत आहे, अशी प्रतिक्रिया भारतीय जनता पक्षाचे नेते आशिष शेलार ( BJP leader Ashish Shelar ) यांनी दिली आहे.
'चमत्कारानंतर आता महान चमत्कार होईल' : नवाब मलिक आणि अनिल देशमुख यांच्याबाबत न्यायालयाने दिलेला निर्णय हा आमच्यासाठी दिलासादायक आहे. तर महाविकास आघाडीचा बुडत्याचा पाय खोलात, असा टोला विधानपरिषद विरोधीपक्ष नेते प्रवीण दरेकर यांनी महाविकास आघाडी लगावला आहे. राज्यसभेच्या निवडणुकीत देवेंद्र फडणवीस यांनी चमत्कार करून दाखवला होता, मात्र विधान परिषदेच्या निवडणुकीत आता महा चमत्कार होईल, असा दावाही दरेकर यांनी केला आहे.
