मुंबई - भाजपचे ज्येष्ठ नेते आणि माजी मुख्यमंत्री देवेंद्र फडणवीस आज दुपारी साडेचार वाजता मुख्यमंत्री उद्धव ठाकरे यांना सडेतोड उत्तर देणार ( Devendra Fadnavis Rally ) आहेत. शनिवारी रात्री बीकेसीच्या मैदानावरून मुख्यमंत्र्यांनी ( CM Thackeray Mumbai Rally ) भाजपला आव्हान दिले होते. विशेष करून त्यांनी वैयक्तिकरित्या फडणवीस यांच्यावर हल्लाबोल केला ( Uddhav Thackeray Criticized Devendra Fadnavis ) होता. त्यामुळे मुंबई भाजपच्या सर्व हिंदी भाषिक नेत्यांनी आता एकजूट दाखवत शिवसेनेला त्याच शैलीत चोख प्रत्युत्तर देण्याचा निर्णय घेतला आहे. मुंबई भाजप अध्यक्ष आणि आमदार मंगल प्रभात लोढा ( MLA Mangal Prabhat Lodha ) यांनी गोरेगावच्या नेस्को मैदानावर ( Goregaon Nesco Ground ) आयोजित केलेल्या हिंदी भाषेतील संकल्प संमेलनाच्या तयारीवर बारकाईने लक्ष ठेवले आहे. भाजपशी संबंधित सर्व हिंदी भाषिक नेत्यांवर त्यांनी कामांची विभागणी करण्याची जबाबदारी सोपवली आहे. त्यामुळे आज होणाऱ्या सभेला १५ हजारांहून अधिक लोकांची गर्दी होणार आहे. या संमेलनात देवेंद्र फडणवीस यांचे नेतृत्व आणि मुंबई भाजपचे उपाध्यक्ष आचार्य पवन त्रिपाठी यांचे आवाहन ऐकण्यासाठी सुबुद्ध वर्ग मोठ्या संख्येने येणार आहे. हे संमेलन यशस्वी करण्यासाठी माजी नगरसेवक विनोद मिश्रा गेल्या अनेक दिवसांपासून प्रयत्नशील आहेत.
जवाब मिलेगा, ठोक के मिलेगा : काल मुख्यमंत्री उद्धव ठाकरे यांनी मुंबईतील सभेत बोलताना भाजपवर तसेच देवेंद्र फडणवीस यांच्यावर जहरी टीका केली होती. मुंबई तोडण्याचा भाजपचा डाव उघड झाला आहे, मात्र तसा प्रयत्न करणाऱ्यांचे तुकडे तुकडे होतील असा इशारा देत भाजपच्या विकृत, विकारी हिंदुत्वामुळे देशाची दुर्दशा झाल्याची टीका मुख्यमंत्री आणि शिवसेना पक्षप्रमुख उद्धव ठाकरे यांनी काल केली होती. मुख्यमंत्री यांच्या टीकेला आज त्याच पद्धतीचे उत्तर देवेंद्र फडणवीस यांच्याकडून अपेक्षित आहे. तसेच काल ट्विट करून देवेंद्र फडवणीस यांनी, "जवाब मिलेगा और ठोक के मिलेगा", असं सांगितलं असल्याकारणाने, या सभेला हजारोंच्या संख्येने गर्दी होणार आहे.
उत्तर भारतीय मोर्चाची टीम दाखवणार ताकद? : भाजप उत्तर भारतीय मोर्चा (महाराष्ट्र) अध्यक्ष संजय पांडे यांच्या नेतृत्वाखाली हजारो हिंदी भाषिक या परिषदेला उपस्थित राहणार आहेत. माजी मुख्यमंत्री देवेंद्र फडणवीस यांच्या निकटवर्तीयांमुळे हे संमेलन यशस्वी करण्यासाठी त्यांनी मुंबई आणि एमएमआर भागातील उत्तर भारतीय मोठ्या संख्येने या परिषदेच्या ठिकाणी पोहोचण्याची व्यवस्था केली असल्याचे सांगण्यात येत आहे. या कामात त्यांचे ब्रिजेश सिंग, संतोष सिंग, अनिल राय आणि चिराग गुप्ता हे पदाधिकारी अत्यंत मौन बाळगून अप्रतिम काम करत आहेत.
बिगर भाजपवादीही येणार फडणवीसांच्या सभेला? : महाराष्ट्र भाजपचे उपाध्यक्ष आणि माजी गृहराज्यमंत्री कृपाशंकर सिंह यांची उत्तर भारतीयांमध्ये जबरदस्त पकड आहे. त्यामुळे प्रदेशाध्यक्ष चंद्रकांत पाटील यांनी त्यांची नुकतीच महाराष्ट्र उत्तर भारतीय मोर्चाच्या प्रभारीपदी नियुक्ती केली आहे. कृपाशंकर सिंह यांच्या आवाहनावरून हिंदुत्व, कलम 370 आणि काशी विश्वनाथ यांच्यावर श्रद्धा असणारे हजारो बिगरभाजप लोक या परिषदेत माजी मुख्यमंत्री देवेंद्र फडणवीस यांना ऐकणार आहेत. असे सांगण्यात येत आहे की, हे हिंदी भाषिक आहेत, जे कोणत्याही राजकीय पक्षाशी संबंधित नाहीत, परंतु कृपाशंकर सिंह आणि हिंदुत्वाच्या विचारसरणीशी वैयक्तिकरित्या संबंधित आहेत.
सभेसाठी येण्याचे सर्वांना आवाहन : भाजपचे ज्येष्ठ नेते आर.यू. सिंग आणि आर. डी.यादव यांनी हिंदी भाषिक संमेलन यशस्वी करण्यासाठी अहोरात्र परिश्रम घेतले. त्यांच्यासह माजी नगरसेवक ज्ञानमूर्ती शर्मा हेही देवेंद्र फडणवीस यांचे हिंदी भाषिक संमेलन यशस्वी करण्यासाठी प्रामाणिकपणे काम करत आहेत. तसेच मुंबई उत्तर भारतीय मोर्चाचे अध्यक्ष जयप्रकाश सिंह यांनी आपल्या सर्व वॉर्ड अध्यक्षांनी व पदाधिकाऱ्यांनी बस, ऑटो रिक्षा व अन्य उपलब्ध मार्गाने भाजपचा झेंडा घेऊन दुपारी ४.३० वाजेपर्यंत अधिवेशनस्थळी पोहोचण्याचे आवाहन केले आहे. विधानपरिषद सदस्य राजहंस सिंह हे देखील योग्य ते योगदान देत आहेत. तर माजी राज्यमंत्री विद्या ठाकूर, सुधांशू दीक्षित, योगेश वर्मा, जयप्रकाश ठाकूर, पंकज यादव, संजय उपाध्याय यांच्यासह सर्व हिंदी भाषिक नेत्यांनी हिंदी भाषिक संमेलनात गर्दी जमविण्याची जबाबदारी एकजुटीने घेतली आहे.
हेही वाचा : Devendra Fadnavis : 'जवाब मिलेगा और ठोक के मिलेगा', फडणवीसांचा मुख्यमंत्र्यांना इशारा
