मुंबई- शीना बोरा हत्याकांडातील ( Sheena Bora Murder Case ) मुख्य आरोपी इंद्राणी मुखर्जी हिच्यावर 2017 मध्ये भायखळा तुरुंगातील इतर कैद्यांवर दंगल केल्याप्रकरणी ( Jail Rioting Case ) गुन्हा दाखल करण्यात आला होता. या प्रकरणी बुधवारी अतिरिक्त मेट्रोपॉलिटन मॅजिस्ट्रेट कोर्टातून इंद्राणी मुखर्जीला जामीन मिळाला ( Indrani Mukharjee Bailed ) आहे. सह कैदी मंजुळा शेट्ये हिचा कारागृह कर्मचाऱ्यांच्या हातून मृत्यू झाल्याने कारागृहातील महिला कारागृहात खळबळ उडाली होती. जामीन मिळाला असला तरी शीना बोरा हत्याकांडात तिला जामीन मिळाला नसल्याने जेलमध्येच रहावं लागणार आहे.
अटीवर मिळाला जामीन
या घटनेत त्यांनी तुरुंगाच्या मालमत्तेचे नुकसान केले होते. तसेच सहा तुरुंग रक्षकांना जखमी केले होते. शेट्ये यांच्या मृत्यूस जबाबदार असलेल्या तुरुंग कर्मचाऱ्यांविरुद्ध पोलिसांनी एफआयआर नोंदवावा अशी कैद्यांची इच्छा होती. ज्याचा परिणाम म्हणून मृत्यू झाला. गुन्हे शाखेने गेल्या वर्षीच या प्रकरणी आरोपपत्र दाखल केले होते. एस्प्लानेड मॅजिस्ट्रेट कोर्टाने आरोपपत्राची दखल घेतली आणि आरोपींना समन्स बजावले. इंद्राणीला खटल्याला हजर राहण्याच्या अटीवर जामीन देण्यात आला. मात्र इंद्राणी मुखर्जी तिच्या मुलीच्या खून प्रकरणात अद्याप न्यायालयीन कोठडीत आहे. 2012 मध्ये तिची मुलगी शीना बोरा हिच्या खुनाच्या आरोपाखाली ती सध्या कोठडीत आहे. अतिरिक्त मेट्रोपॉलिटन मॅजिस्ट्रेट कोर्टाने मुखर्जी यांना या खटल्याशी संबंधित कोणालाही प्रलोभन धमकी किंवा वचन न देण्यासह इतर अटींसह 15,000 च्या वैयक्तिक बॉन्ड बजावण्याची परवानगी दिली. मुखर्जी यांची याचिका वकील सना रईस खान यांच्यामार्फत दाखल करण्यात आली होती. 2017 मध्ये मंजुळा शेट्येच्या मृत्यूनंतर मुखर्जी आणि भायखळा तुरुंगातील 30 हून अधिक कैद्यांवर गुन्हेगारी कट, दंगल आणि गुन्हेगारी धमकीच्या आरोपाखाली गुन्हा दाखल करण्यात आला होता. शेट्ये यांच्या मृत्यूची चौकशी व्हावी या मागणीसाठी कारागृह कर्मचाऱ्यांनी मारहाण केल्याचा आरोप करत आंदोलन केल्याचे कैद्यांनी सांगितले होते. मुंबई पोलिसांनी गेल्या वर्षी या प्रकरणात आरोपपत्र दाखल केले होते. त्यानंतर न्यायालयाने आरोपींना सुनावणीदरम्यान उपस्थित राहण्यासाठी समन्स बजावले होते.
काय आहे प्रकरण?
भायखळा महिला कारागृहातील महिला कारागृहात महिला कैदी मंजुळा शेट्ये हिला कारागृहातील अधिकारी आणि पोलिसांनी जबर मारहाण केली. या मारहाणीत 23 जून 2017 रोजी मंजुळा शेट्येचा मृत्यू झाला. कारागृहातील गैरव्यवहारांवर आवाज उठविल्यामुळे मंजुळा हिला मारहाण करण्यात आल्याचे समोर आले. मंजुळा शेट्येच्या मृत्यूनंतर भायखळा महिला कारागृहात दंगल उसळली. महिला कैद्यांनी कारागृहाच्या छतावर चढून निदर्शने केली. कारागृहातील साहित्याची तोडफोड आणि जाळपोळ केली. अनेक वस्तू पोलिसांच्या दिशेने भिरकावल्या. यात तुरुंग अधीक्षकांसह 15 ते 20 पोलिस अधिकारी आणि अंमलदार जखमी झाले होते. दंगल आणि सरकारच्या मालमत्तेचे नुकसान केल्याप्रकरणी इंद्राणी मुखर्जी हिच्यासह अनेक महिला कैद्यांवर गुन्हा दाखल करण्यात आले होते. मंजुळा शेट्ये हिच्या मृत्यूप्रकरणी नागपाडा पोलिस ठाण्यात गुन्हा दाखल करण्यात आला होता. तुरुंग अधिकारी मनीषा पोखरकर हिच्यासह महिला पोलिस बिंदू नाईकडे, वसिमा शेख, शीतल शेगांवकर, सुरेखा गुळवे, आरती शिंगटे या सहा जणींना 1 जुलै 2017 रोजी अटक करण्यात आली होती.
