मुंबईत कोरोनाचे 631 नवे रुग्ण, 9 रुग्णांचा मृत्यू - कोरोना अपडेट मुंबई

मुंबईत आज कोरोनाचे 631 नवे रुग्ण आढळून आले असून 9 रुग्णांचा मृत्यू झाला आहे. मुंबईमधील कोरोनाग्रस्तांचा आकडा 2 लाख 94 हजार 067 वर पोहचला आहे.

कोरोना अपडेट

Published : Jan 1, 2021, 8:54 PM IST

मुंबई - मुंबईत मार्च पासून कोरोना विषाणूचा प्रादुर्भाव सुरू झाला. ऑगस्ट, सप्टेंबर महिन्यात कोरोना रुग्णांची संख्या वाढली होती. 16 नोव्हेंबरला रुग्ण संख्या 409 पर्यंत खाली आली होती. आज (शुक्रवारी) मुंबईत 631 नवे रुग्ण आढळून आले असून 9 रुग्णांचा मृत्यू झाला आहे, अशी माहिती पालिकेच्या आरोग्य विभागाकडून देण्यात आली आहे.

8 हजार सक्रिय रुग्ण -

मुंबईत आज कोरोनाचे 631 नवे रुग्ण आढळून आले असून 9 रुग्णांचा मृत्यू झाला आहे. मुंबईमधील कोरोनाग्रस्तांचा आकडा 2 लाख 94 हजार 067 वर पोहचला आहे. तर, मृतांचा आकडा 11 हजार 125 वर पोहचला आहे. मुंबईमधून आज 628 रुग्ण बरे झाल्याने त्यांना डिस्चार्ज देण्यात आला. मुंबईत डिस्चार्ज देण्यात आलेल्यांचा आकडा 2 लाख 74 हजार 072 वर गेला आहे. सध्या मुंबईत 8 हजार 5 सक्रिय रुग्ण आहेत.

रुग्ण दुप्पटीचा कालावधी 365 दिवसांवर -

मुंबईत कोरोनाचे रुग्ण बरे होण्याचे प्रमाण 93 टक्क्यांवर पोहचले आहे. रुग्ण दुप्पट होण्याचा कालावधी 365, दिवस तर सरासरी दर 0.21 टक्के आहे. मुंबईत सध्या कोरोनाचे रुग्ण आढळून आलेल्या 283 चाळी आणि झोपडपट्टी कंटेन्मेंट झोन घोषित करून सील करण्यात आल्या आहेत. तसेच 2 हजार 462 इमारती व इमारतीच्या विंग, काही मजले सील करण्यात आले आहेत. तर, कोरोनाचे निदान करण्यासाठी 23 लाख 70 हजार 594 चाचण्या करण्यात आल्या आहेत.

अशी वाढली रुग्णसंख्या