औरंगाबाद - गणेश उत्सवाला मोठ्या उत्साहात Ganeshotsav 2022 सुरुवात होत आहे. सर्वच मंडळांनी यंदा जय्यत तयारी केली आहे. शहरात काही वैशिष्ट्यपूर्ण असे मंडळ आहेत त्यातील एक म्हणजे कुवारफल्लीचा जागृत गणेश Jagurt Ganapati मंडळ. या बाप्पाच वैशिष्ट्य आहे, ते म्हणजे बाप्पाची स्थापना होत असताना मूर्ती काराच्या घरातून मूर्ती हलली नव्हती. त्यावेळेस स्थानिक रहिवाशांना नवस करावा लागला होता. त्यानंतर दुसऱ्या दिवशी ही मूर्ती हलली त्यांनतर स्थापना करण्यात आली.
जिल्ह्यातील सर्वात पहिली मोठी मूर्ती -
कुमार फल्ली येथील जागरूक गणेश Jagurt Ganapati मंडळ शहरातील सर्वात जुन गणेश मंडळ म्हणून परिचित आहे. दरवर्षी नित्यनियमाने गणपतीची स्थापना ही केली जाते. 1981 साली पहिल्यांदाच 15 फुटी बाप्पाची मूर्ती साकारण्यात आली. त्यावेळचे प्रसिद्ध मूर्तिकार रतनकुमार बगलीये यांनी ही आकर्षक अशी मूर्ती साकारली होती. दहा दिवस मूर्ती स्थापना करायची आणि त्यानंतर विसर्जन करण्याचे नियोजन मंडळाने केले होते. मात्र बाप्पाच्या स्थापनेच्या दिवशी ही मूर्ती जागेवरून हलली नाही. दिवसभर वेगळ्या पद्धतीने प्रयत्न करण्यात आले. मात्र मूर्तीने आपली जागा सोडली नाही. त्यानंतर स्थानिक नागरिकांनी राजूरच्या गणपतीला नवस केला. दुसऱ्या दिवशी 11 ब्राह्मणांच्या माध्यमातून नागरिकांनी अभिषेक केला आणि त्याच वेळेस चमत्कार झाला. मूर्ती आपल्या जागेवरून हलली त्यामुळे बाप्पाची स्थापना एक दिवस उशिराने करावी लागली. अशी माहिती मंडळ विश्वस्तांनी दिली.
नवसाला पावणारा जागरूक गणेश
नवस केल्यानंतर जागरूक गणेश मंडळात बाप्पाची मूर्ती स्थापना करण्यात आली. मात्र त्यावेळी अनेकांनी बाप्पाकडे आपल्या इच्छा पूर्ण व्हाव्या यासाठी नवस केला आणि काही लोकांना त्याचा प्रत्यय आला, त्यांचे नवस पूर्ण झाले. त्यानंतर गणपती मूर्ती विसर्जित न करता ती कायमस्वरूपी स्थापन करण्यात आली. तिथे बाप्पाचं भव्य मंदिर उभारण्यात आलं, अनेक नागरिकांनी तिथे नवस करू लागले. नवस पूर्ण करताना काही भक्तांनी सोन्या चांदीचे दागिने देखील अर्पण केले आहेत. डोक्याच्या मुकुटा पासून तर पायाच्या कड्यापर्यंत सर्वच प्रकारचे दागिने दान स्वरूपात भक्तांनी दिले. गणेशउत्सवात दहा दिवस हे दागिने बप्पाला परिधान केले जातात अशी माहिती मंदिर विश्वस्थानी दिली.
साधेपणाने साजरा होतो सोहळा
गणेश उत्सवात सण साजरे करत असताना अगदी साधे पणाने, संस्कृती आणि परंपरा यांचे जतन करून सोहळा साजरा केला जातो. काही वर्षांपूर्वी वेगवेगळ्या प्रकारचे देखावे सादर करून जनजागृती केली जात होती. मात्र काळाच्या ओघात रिकाम्या जागा नसल्याने सामाजिक उपक्रम राबवत सोहळा साजरा केला जातो. लाऊड स्पीकरवर गाणे न वाजवत पारंपरिक ढोल ताशा वाजवत उपक्रम घेतले जातात. अशी माहिती विश्वस्तांनी दिली.
हेही वाचा : Ganeshotsav 2022 अशी आहे सिद्धटेकच्या सिद्धिविनायकाची आख्यायिका
