औरंगाबाद - सिल्वर ओकवर जे झाले तो माझ्या आईवर झालेला हल्ला ( Sliver Oak Attack ) होता. ते माझ्या घरी आले होते. ते कशे वागले याला महत्त्व नाही, ते का वागले हे जाणून घ्यायच आहे. तेथील महिलांना मला भेटू द्या, अशी विनंती मी पोलिसांना केली आहे. त्यांना का वेदना होतात हे समजून घेणे ही माझी नैतिक जबाबदारी आहे, असे मत राष्ट्रवादी नेत्या खासदार सुप्रिया सुळे ( Supriya Sule ) यांनी व्यक्त केले.
ईडी नुसती कारवाई करत आहे निष्पन्न काही होणार नाही - सध्या राज्यात ईडीचा कारवाईचा विक्रम गाठला आहे. अनिल देशमुख यांच्या मालमत्तेची 105 वेळा झडती घेतली काही मिळाले नाही. आता नसेल तर किती वेळ झडती घेतली तरी काय उपयोग होणार, मात्र अजूनही कारवाई सुरूच आहे. ईडी नुसती कारवाई करत आहे निष्पन्न काही होणार नाही. आम्ही अनिल देशमुख ( Anil Deshmukh ) आणि नवाब मलिक ( Nawab Malik ) यांच्या कुटुंबियांच्या संपर्कात आहोत, असे सुप्रिया सुळे यांनी सांगितले.
केंद्रीय अर्थसंकल्पात जम्मू काश्मीरसाठी काहीतरी तरतूद करा - काश्मीर फाइल्स ( Kashmir Files ) हा वेदना देणारा सिनेमा आहे, तो फक्त एक सिनेमा आहे. मी त्यापासून दूर राहते. आता जाऊन बघा, तिकडे सगळे छान राहतात, सुधारले आहेत. त्या समाजबाबत जर तुम्हाला इतके प्रेम आहे. तर केंद्रीय अर्थसंकल्पात जम्मू काश्मीरसाठी काहीतरी तरतूद करा. मात्र, तुम्ही अर्थसंकल्पात जम्मू काश्मीरबाबत काहीच नव्हते का, असा प्रश्न सुप्रिया सुळे यांनी उपस्थित केला.
हेही वाचा - Sujat Ambedkar on Brahmins : दंगल पेटवणारे सहसा उच्चवर्णीय, उच्चवर्गीय ब्राम्हण असतात - सुजात आंबेडकर
