औरंगाबाद - "मी आणि जलील साहेबांनी उद्या पंतप्रधान मोदींच्या घरासमोर जाऊन कुराण वाचणार असं म्हटलं, तर तुम्ही काय म्हणाल...? रॅपिड अॅक्शन फोर्स लावाल, पोलिसांची ताकद लावून, आमच्यावर गोळीबार केला जाईल... बरोबर की नाही? मग आमचं असं वर्तन बरोबर आहे का? अशी टिका एआयएमआयएम अध्यक्ष खासदार असदुद्दीन ओवेसी ( AIMIM CHIEF ASADUDDIN OWASI ) यांनी राणा दाम्पत्यावर केली आहे. ते शनिवारी औरंगाबाद येथे माध्यमांशी बोलत होते. औरंगाबादचे खासदार इम्तियाज जलील यांनी आयोजित केलेल्या इफ्तार पार्टीसाठी (Imtiyaz Jaleel ) एमआयएमचे अध्यक्ष खासदार असदुद्दीन ओवेसी (Asaduddin Owasi) शनिवारी शहरात आले होते.
राजद्रोहाचा गुन्हा सिद्ध करणे सोपे नाही
खासदार नवनीत राणा ( Navneet Kaur Rana )आणि आमदार रवी राणांवर "राजद्रोहाचा गुन्हा दाखल केला आणि जेलमध्ये टाकलं, असं तर होत नाही ना. पण याप्रकरणात सुप्रीम कोर्टाने लक्ष घातलंय. लवकरच याप्रकरणाची सुनावणी सुप्रीम कोर्टातही होणार आहे. ज्यांनी राणांवर राजद्रोहाचा गुन्हा दाखल केला त्यांच्यावर, ना राणांवर माझं प्रेम आहे. मला एकच म्हणायचंय, दुसऱ्याच्या घरासमोर आपण का जाताय?" राजद्रोहाचा गुन्हा सिद्ध करणे सोप नाही, माझ्यावर पण काही वर्षांपूर्वी असाच गुन्हा दाखल केला पण त्यात काहीही निष्पन्न झाले नाही.
दोन भावांच्या भांडणात मला का ओढता...
'महाराष्ट्रात दोन भावांचे भांडण सुरु झाले आहे. दोन भावांच्या या भांडणात माझेही नाव घेतले जात आहे. परंतु ही भावा-भावाची भांडणे एकत्र बसून सोडवली पाहिजेत. ओवेसी हे माझ्या वडिलांचे नाव आहे. मालकांच्या घरातले फस्ट्रेशन संजय राऊत माझ्यावर का बरे काढत आहेत? असा प्रश्न खासदार ओवेसी यांनी उपस्थित केला. खासदार ओवेसी यांची नांदेड येथे रविवारी जाहीर सभा होत आहे. दरम्यान ते खासदार इम्तियाज जलील यांनी आयोजीत केलेल्या इफ्तार पार्टीमध्ये सहभागी होण्यासाठी शहरात दाखल झाले होते.
हेही वाचा : Raj Thackeray Aurangabad Rally : महाराष्ट्र दिनी औरंगाबादमध्ये धडाडणार राज ठाकरेंची तोफ, सभेसाठी जय्यत तयारी
