Amravati Rain : अमरावती जिल्ह्यात सर्वदूर मुसळधार पाऊस; शिरजगाव कसबा गावात शिरले पाणी

अमरावती जिल्ह्यातही धो-धो पाऊस बरसला आहे. रविवारी ( 19 जून ) पहाटे झालेल्या मुसळधार पावसानं जिल्ह्यातील चांदूर बाजार तालुक्यात येणाऱ्या शिरजगाव कसबा गावात पाणी ( heavy rain in amravati district ) शिरले.

अमरावती - विदर्भात पावसाने चांगलीच हजेरी लावली आहे. अमरावती जिल्ह्यातही धो-धो पाऊस बरसला आहे. रविवारी ( 19 जून ) पहाटे झालेल्या मुसळधार पावसानं जिल्ह्यातील चांदूर बाजार तालुक्यात येणाऱ्या शिरजगाव कसबा गावात पाणी शिरले. त्यामुळे ग्रामस्थांची एकच तारांबळ ( heavy rain in amravati district ) उडाली.

नागरिकांच्या घरात पाणी - पहाटे कोसळलेल्या मुसळधार पावसामुळे शिरजगाव कसबा या गावातील अनेक घरांमध्ये पाणी शिरले. गावातील रस्त्यांवर नदी सारखे पाणी वाहत होते. गावालगतचा संपूर्ण परिसर जलमय झाला असून, अचानक कोसळलेल्या मुसळधार पावसामुळे शिरजगाव कसबा गावात खळबळ उडाली आहे.

अमरावती शहरातही पहाटे चार वाजता विजांच्या कडकडाटासह मुसळधार पाऊस कोसळला. जिल्ह्यात सर्वच भागात पहाटेच्या सुमारास पाऊस आला असून चांदूर बाजार तालुक्यात सर्वाधिक पाऊस कोसळला आहे.

हेही वाचा - Shivsena Vardhapan Din 2022 : 'हृदयात राम आणि हाताला काम, हे आमचं हिंदुत्व'; वर्धापन दिनानिमित्त शिवसेनेचा टीझर