अमरावतीच्या पूर्णा नदीत बचाव पथकाची बोट उलटली, सर्व सुखरूप

गणेश विसर्जनादरम्यान पूर्णा नदीच्या पुलाजवळ गौरखेडा येथील ४ युवक बुडाले होते. त्यापैकी तिघांचा शोध लागला.  मात्र, एकाचा शोध घेण्यासाठी मंगळवारी नागपूर येथील एसडीआरएफ पथकाची शोधमोहीम सुरू होती. यावेळी ही घटना घडली.

अमरावती- जिल्ह्यातील भातकुली तालुक्यातील वाठोडा शुकलेश्वर येथे गणेश विसर्जनादरम्यान पूर्णा नदीच्या पुलाजवळ गौरखेडा येथील ४ युवक बुडाले होते. यामध्ये तिघांचा शोध लागला. मात्र, एकाचा शोध घेण्यासाठी मंगळवारी नागपूर येथील एसडीआरएफ पथकाची शोधमोहीम सुरू होती. यावेळी अचानक पाण्याच्या वेगाने बोट उलटून बोटमधील ५ जण नदीपात्रात पडले. सुदैवाने कोणतीही जीवितहानी झाली नसून गावकऱ्यांनी व बचाव पथकाच्या कर्मचाऱ्यांनी बोट बाहेर काढली.

हेही वाचा - मेळघाटातील शिरपूरमध्ये शेतात वीज पडून चार आदिवासी गंभीर जखमी