अमरावतीच्या जयस्तंभ चौकात बर्निंग कारचा थरार..

अमरावतीच्या जयस्तंभ चौकातून इरविन चौकाच्या दिशेने जात असलेल्या एका कारने शनिवारी रात्री पावणे दहाच्या सुमारास अचानक पेट घेतल्याने एकच खळबळ उडाली होती. परंतु वाहन चालकाच्या सतर्कतेमुळे कुठलीही जीवितहानी झाली नाही.

अमरावती - अमरावतीच्या जयस्तंभ चौकातून इरविन चौकाच्या दिशेने जात असलेल्या एका कारने शनिवारी रात्री पावणे दहाच्या सुमारास अचानक पेट घेतल्याने एकच खळबळ उडाली होती. परंतु वाहन चालकाच्या सतर्कतेमुळे कुठलीही जीवितहानी झाली नसून कारचे प्रचंड नुकसान झाले आहे. दरम्यान अग्निशामक दलाच्या वतीने आग आटोक्यात आणली आहे.

MH-३७ G ४१०९ क्रमांकाची कार ही जयस्तंभ चौकातून इरविन चौकाच्या दिशेने जात होती. दरम्यान चालू कारने मध्येच अचानक पेट घेतल्याने एकच खळबळ उडाली होती. दरम्यान कार पेट घेत असल्याचे लक्षात येताच गाडीतील सर्वजण बाहेर उतरल्याने सुदैवाने जीवित हानी झाली नाही. भररस्त्यात अचानक कार पेटल्याने परिसरात भीतीचे वातावरण निर्माण झाले होते. दरम्यान अग्निशामक दलाच्या वतीने ही आग आटोक्यात आणण्यात आली.