नवी दिल्ली : चित्रपट अभिनेता शाहरुख खानने ग्रेटर नोएडा येथील इंडिया एक्स्पो मार्ट येथे सुरू असलेल्या ऑटो एक्सपोमध्ये ह्युंदाईची कार लॉंच केली. ह्युंदाईने ऑटो एक्सपोमध्ये आपली बहुप्रतिक्षित इलेक्ट्रिक आयोनिक 5 लॉंच केली. कंपनीने कारच्या सिंगल फुल-लोडेड व्हेरियंटची किंमत 44.95 लाख रुपये निश्चित केली आहे. कंपनीने गेल्या वर्षी 21 डिसेंबरपासून 1 लाख रुपयांची बुकिंग विंडो उघडली होती. ही किंमत कारच्या पहिल्या 500 ग्राहकांसाठी लागू आहे. त्याची डिलिव्हरी लवकरच सुरू होईल.
सिंगल चार्जवर 481 किमीची रेंज : ह्युंदाई कंपनीच्या या इलेक्ट्रिक कारची बॅटरी एका चार्जवर 481 किमीपर्यंत आहे. या कारचा वेगही उत्कृष्ट आहे. लॉंच करताना कंपनीचे एमडी आणि सीईओ चुंग ई सन म्हणाले की, आम्ही उज्ज्वल भविष्याकडे वाटचाल करत आहोत. अशा परिस्थितीत, कंपनीला भारतातील आयोनिक ब्रँड सादर करताना आम्हाला खूप आनंद होत आहे. या कारच्या माध्यमातून आम्ही ग्राहकांना एक चांगला पर्याय देण्याचा प्रयत्न केला आहे. यामध्ये बुद्धिमान तंत्रज्ञान, नावीन्य आणि टिकावूपणा असल्यामुळे ग्राहक खूप आकर्षित होतील. ह्युंदाईची आयोनिक 5 भारतात इलेक्ट्रिक ग्लोबल मॉड्युलर प्लॅटफॉर्मवर लॉंच करण्यात आली आहे. हे युरिटी परफॉर्मन्स, विश्वासार्हता आणि उपयोगिता या पॅरामीटर्सवर डिझाइन केले गेले आहे.
भारतीय बाजारात तीन रंगांच्या पर्यायांमध्ये उपलब्ध : ही कार भारतातील कोरियन कार उत्पादक कंपनीच्या इतर कोणत्याही कारपेक्षा पूर्णपणे वेगळी आहे. ऑल-एलईडी हेडलॅम्प आणि एलईडी टेल लॅम्पसाठी पिक्सेलेटेड थीमसह पुढील पिढीच्या डिझाइन घटकांसह कारला रेट्रो-फ्यूचरिस्टिक लुक मिळतो. यामध्ये 20-इंच एरो-ऑप्टिमाइज्ड अलॉय व्हील्सचा समावेश आहे. ही कार भारतीय बाजारात तीन रंगांच्या पर्यायांमध्ये उपलब्ध आहे - ऑप्टिक व्हाइट, ग्रॅविटी गोल्ड मॅट आणि मिडनाईट ब्लॅक पर्ल.
वायरलेस चार्जिंगची सुविधा : कारच्या लाँचिंगला बॉलिवूडचा किंग खान आणि कंपनीचा ब्रँड अ‍ॅम्बेसेडर शाहरुख खान उपस्थित होता. कारच्या लाँचिंगवेळी त्याने सांगितले की, कंपनीने ही कार उत्तम प्रकारे बनवली आहे. इलेक्ट्रिक कारमध्ये वायरलेस चार्जिंगची सुविधा देण्यात आली आहे. त्यामुळे लोकांना फोन चार्ज करण्याची सुविधा सहज मिळेल. यासोबतच कारमध्ये अनेक प्रकारचे अ‍ॅडव्हान्स फ्युचर्स देण्यात आले आहेत.
एमजी मोटर इंडियाची धमाकेदार सुरूवात : एमजी मोटरने बुधवारी 2 इलेक्ट्रिक कार लाँच केल्या आहेत. याशिवाय कंपनीने आपला पुढचा जनरेशन हेक्टरही लाँच केला आहे. कंपनीने भारतातील किमती जाहीर केल्या आहेत. एमजी कंपनीने ऑटो एक्स्पोमध्ये दोन तंत्रज्ञान प्रगत, उच्च-सुरक्षा आणि शून्य उत्सर्जन इलेक्ट्रिक वाहने लाँच केली आहेत. कंपनीने या कालावधीत एमजी4, जे शुद्ध इलेक्ट्रिक हॅचबॅक इलेक्ट्रिकल वाहन आहे. एमएच इएचएस, प्लग-इन हायब्रिड एसयूव्ही लाँच केली आहे.
शोरूम किंमत : कंपनीने नेक्स्ट जनरेशन हेक्टरच्या किमतीही जाहीर केल्या आहेत. कंपनीने त्याची किंमत 14.72 लाखांपासून सुरू केली आहे. कंपनीचे टॉप मॉडेल 22.42 लाख रुपये किमतीत ग्राहकांना उपलब्ध होणार आहे. ही कंपनीची शोरूम किंमत आहे. कंपनीने ही कार उत्तम लुक आणि अनेक आधुनिक वैशिष्ट्यांनी सुसज्ज बनवली आहे. मध्यम आकाराची एसयूव्ही 5 सीटर तसेच 6 आणि 7 सीटर पर्यायांमध्ये उपलब्ध आहे.
