नवी दिल्ली: एडटेक प्रमुख बायजूमध्ये कर्मचारी कपातीची प्रक्रिया सुरू आहे. कंपनीने दुसऱ्या टप्प्यात सुमारे 1,500 कर्मचाऱ्यांना कामावरून काढून टाकले आहे. यापूर्वी 2 फेब्रुवारी रोजी कंपनीने 1,000 हून अधिक कर्मचाऱ्यांना (15 टक्के) बाहेरचा रस्ता दाखवला होता. ज्यामध्ये अभियांत्रिकी विभागातील बहुतांश कर्मचाऱ्यांचा सहभाग होता. मात्र, कंपनीने यावर भाष्य करण्यास नकार दिला.
काढून टाकलेल्या कर्मचाऱ्याची भावनिक पोस्ट: बायजूसच्या कामावरून काढण्यात आलेल्या कर्मचाऱ्यांपैकी एक आयआयटी पदवीधर होता, जो सॉफ्टवेअर इंजिनीअर म्हणून काम करत होता. नोकरी गेलेल्या या तरुणाने लिंक्डइनवर शेअर केले की, त्याला नोकरीवरून काढण्यात आले आहे. आता तो रोजगाराच्या नवीन संधी शोधत आहे. कंपनीत नऊ महिने काम केलेल्या अभिषेक आशिषने LinkedIn वर लिहिले की, 'इतर अनेक प्रतिभावान आणि अद्भुत लोकांसह सॉफ्टवेअर अभियंता म्हणून माझ्या भूमिकेवर बायजूच्या दुसऱ्या फेरीच्या टाळेबंदीचा परिणाम झाला, जिथे त्यांनी पुन्हा त्यांच्या कर्मचाऱ्यांची संख्या कमी करण्याचा निर्णय घेतला'. लढण्याची भावना जपत तो पुढे म्हणाला की, जे काही होते ते चांगल्यासाठीच होते. आशिष म्हणाला, मी काम करण्यास तयार आहे आणि सॉफ्टवेअर इंजिनीअरिंग क्षेत्रात संधी शोधत आहे.
८ हजारहून अधिक कर्मचाऱ्यांना कामावरून काढले: 16 एडटेक कंपन्यांमध्ये 8,000 हून अधिक कामावरून काढून टाकण्याची प्रक्रिया सध्या सुरु आहे. Byju's ने गेल्या वर्षी मार्च 2023 पर्यंत नफा मिळविण्यासाठी 2,500 कर्मचार्‍यांना काढून टाकण्याचा निर्णय घेतला होता. भारतात, अलीकडच्या काळात 70 हून अधिक स्टार्टअप्सनी 21,000 हून अधिक कर्मचार्‍यांना कामावरून काढले आहे, ज्यात Byju's, Ola, Innovaxir, Unacademy, Vedantu, Cars24, Oyo, Meesho, Udaan आणि आणखी बऱ्याच कंपन्यांचा समावेश आहे. एडटेक सेक्टरमध्ये सर्वात जास्त टाळेबंदी झाली आहे, 16 एडटेक स्टार्टअप्सनी आजपर्यंत 8,000 पेक्षा जास्त कर्मचाऱ्यांना कामावरून काढले आहे.
जगभरात मोठ्या प्रमाणावर होणार वेतन कपात: 2023 मध्ये मोठ्या प्रमाणात टाळेबंदी होणार असल्याने, बहुतेक व्यावसायिक अर्थतज्ञांचा अंदाज आहे की, त्यांच्या कंपन्या येत्या काही महिन्यांत वेतन कमी करतील. मीडिया रिपोर्ट्समध्ये ही बाब समोर आली आहे. एका नवीन सर्वेक्षणाचा हवाला देत सीएनएनच्या अहवालानुसार, केवळ 12 टक्के अर्थशास्त्रज्ञांना त्यांच्या कंपन्या पुढील तीन महिन्यांत रोजगार वाढवतील अशी अपेक्षा आहे. नॅशनल असोसिएशन फॉर बिझनेस इकॉनॉमिक्स (NABE) ने हे सर्वेक्षण केले आहे.
हेही वाचा: Twitter Gold Badges Charge From Businessman: व्यावसायिकांना ट्विटरचा मोठा झटका, गोल्ड बॅजसाठी द्यावे लागणार एक हजार डॉलर्स
