मुंबई - सलग चार दिवसांच्या घसरणीनंतर मुंबई शेअर बाजार आज सावरला आहे. मुंबई शेअर बाजार निर्देशांक १,६२७.७३ अंशांनी वधारून २९,९१५.९६ वर स्थिरावला. तर निफ्टीचा निर्देशांक ४८२ अंशांनी वधारून ८,७४५.४५ वर स्थिरावला होता.
मुंबई शेअर बाजार दुपारी १ वाजू ४६ मिनिटाला २,११९ अंशांनी वधारून ३०,४०८.२० वर पोहोचला आहे. तर निफ्टीचा निर्देशांक ५७०.१० अंशांनी वधारून ८,४४२.५५ वर पोहोचला आहे.
मुंबई शेअर दुपारी १२ वाजून २४ मिनिटाला १,३२७.६० अंशांनी वधारून २९,६१५.८३ वर पोहोचला आहे. तर निफ्टीचा निर्देशांक ३८४.५० अंशांनी वधारून ८,६४७.९५ वर पोहोचला आहे.
पंतप्रधान नरेंद्र मोदी यांनी कोरोनाच्या परिणामानंतर उद्योगांना दिलासा देण्यासाठी टास्क फोर्स स्थापन करण्याची गुरुवारी घोषणा केली आहे. त्याचा शेअर बाजारात सकारात्मक परिणाम दिसून आला आहे. मुंबई शेअर बाजार खुला होताना १५८ अंशांनी वधारून २८,४४६ वर पोहोचला. तर निफ्टीचा निर्देशांक ६८.६५ अंशांनी वधारून ८,३३२.१ वर पोहोचला.
कोरोनाच्या धास्तीने शेअर बाजारात गेल्या चार दिवसात मोठी पडझड झाली आहे. या पडझडीमुळे गुंतवणूकदारांनी सुमारे १९.४ लाख कोटी रुपये गमाविले आहेत.
हेही वाचा-कोरोनाने गुंतवणूकदांराचे चार दिवसातच १९.४९ लाख कोटी रुपये पाण्यात
रुपया ३४ पैशांनी सावरला-
सकाळच्या सत्रात रुपया डॉलरच्या तुलनेत ३४ पैशांनी वधारून ७४.७८ वर पोहोचला. गुरुवारी डॉलरच्या तुलनेत रुपया घसरून ७५.१२ वर पोहोचला होता.
हेही वाचा-कोरोनाने जगभरातील २.५ कोटी लोकांच्या नोकऱ्यांवर टांगती तलवार
या कंपन्यांचे शेअर वधारले-घसरले-
इंडसइंड बँकेचे शेअर सर्वाधिक ७ टक्क्यापर्यंत घसरले. त्यापाठोपाठ एचडीएफसी ट्विन्स, कोटक बँक, बजाज फायनान्स, आयसीआयसीआय बँक आणि अ‌ॅक्सिस बँकेचे शेअर घसरले आहे. तर आयटीसी, पॉवरग्रीड, एचयूएल, ओएनजीसी आणि सन फार्माचे शेअर सर्वाधिक वधारले आहेत.
