नवी दिल्ली - सोन्याच्या दरात नवी दिल्लीत प्रति तोळा २०८ रुपयांची घसरण झाली आहे. सोन्याचे दर प्रति तोळा ४४,७६८ रुपये आहेत. आंतरराष्ट्रीय बाजारात सोन्याच्या दरात घसरण झाल्याने देशातही सोन्याचे दर कमी झाल्याचे एचडीएफसी सिक्युरिटीजने म्हटले आहे.
मागील सत्रात सोन्याचा दर प्रति तोळा ४४,९७६ रुपये होते. सोन्याच्या दरात घसरण झाली असली तरी चांदीचे दर प्रति किलो ६०२ रुपयांनी वधारले आहेत. चांदीचा दर प्रति किलो ६७,५९२ रुपयांवरून ६८,१९४ रुपये झाला आहे.
हेही वाचा-शेअर बाजाराचा निर्देशांक १,१४८ अंशाने वधारला; वित्तीय कंपन्यांचे शेअर तेजीत
एचडीएफसी सिक्युरिटीजचे वरिष्ठ विश्लेक (कमोडिटीज) तपान पटेल म्हणाले की, दिल्लीत २४ कॅरेट सोन्याच्या दरात प्रति तोळा २०८ रुपयांची घसरण झाली आहे. जागतिक बाजारातील स्थिती आणि डॉलरच्या तुलनेत वधारलेला रुपया या कारणांनी सोन्याच्या दरात घसरण झाली आहे. रुपयाचे मूल्य डॉलरच्या तुलनेत ४५ पैशांनी वधारले आहेत.
हेही वाचा-इफ्फकोकडून बिगर युरिया खतांच्या किमती राहणार 'जैसे थे'
आंतरराष्ट्रीय बाजारात सोन्याचे दर घसरून प्रति औंस १,७३० डॉलर आहेत. तर चांदीच्या दरात अंशत: घसरण होऊन प्रति औंस २६.६८ डॉलर आहेत.
