नवी दिल्ली - काँग्रेसचे वरिष्ठ नेते पी. चिदंबरम यांनी पंतप्रधान नरेंद्र मोदी आणि केंद्रीय मंत्र्यांवर जोरदार निशाणा साधला आहे. दिल्लीच्या निवडणुकीत त्यांनी अर्थव्यवस्थेवर बोलावे, अशी लोकांची इच्छा असल्याचे चिदंबरम यांनी म्हटले आहे. लोकांना वाईट शब्द आणि अलंकारिक भाषा ऐकायची नाही, असा चिदंबरम यांनी मोदी सरकारला टोला लगावला.
पंतप्रधान आणि त्यांच्या मंत्र्यांना वस्तुस्थिती समोर येवू द्यायची नाही, असे दिसते. त्यांनी आर्थिक प्रश्नावर बोलावे, असे माजी केंद्रीय अर्थमंत्री पी. चिदंबरम यांनी मोदी सरकारला सूचविले.
पुढे चिदंबरम म्हणाले, दिल्लीच्या निवडणुकीत बोलावे अशा तीन गोष्टी आहेत. जानेवारी २०१९ ते जानेवारी २०२० मध्ये महागाई २ टक्क्यांनी वाढून ७.३५ टक्के झाली आहे.
हेही वाचा-एअर इंडियाच्या विक्रीचा सौदा : खरेदीदाराला काय मिळणार?
वर्ष २०१९-२० मध्ये कर संकलन हे अर्थसंकल्पातील अंदाजाहून २.५ लाख कोटी रुपयांहून कमी झाले आहे. त्याचा अर्थ मागास वर्ग, अनुचित जमाती, इतर मागास प्रवर्ग, अल्पसंख्यांक आणि महिला व मुलांसाठी करण्यात येणाऱ्या योजनांवरील खर्चात कपात करणे असा आहे.
हेही वाचा-केंद्रीय वाणिज्य मंत्रालयाने भारती एअरटेलला टाकले काळ्या यादीत!
