चेन्नई - बँक कर्मचारी संघटनांनी वेतनवाढीच्या मागणीसाठी आजपासून संप पुकारला आहे. त्याचा परिणाम म्हणून मुंबई, चेन्नई आणि दिल्ली इतर शहरांमधील एकूण ३१ लाख धनादेश वटलेले नाहीत. ही रक्कम एकूण २३ हजार कोटी रुपयांची असल्याचे इंडियन बँक एम्पलॉईज असोसिएशनचे (एआयबीईए) महासचिव सी. एच. व्यंकटचलम यांनी सांगितले.
बँक कर्मचारी संघटनाच्या संपामध्ये युनायटेड फोरम ऑफ बँक युनियन्स या बँक कर्मचारी संघटनेच्या शिखर संघटनेने भाग घेतला आहे. बँकेच्या विविध ९ संघटनांनी संपात भाग घेतला आहे. बँक कर्मचारी संघटनांचा संप आजपासून १ फेब्रुवारीपर्यंत सुरू राहणार आहे. संपाचा देशातील विविध शहरामध्ये प्रमाणे दिसून आला आहे. यामध्ये तामिळनाडू, महाराष्ट्र, आंध्रप्रदेश आणि तेलंगणा, पश्चिम बंगाल, उत्तर प्रदेश, मध्यप्रदेश, दिल्ली, पंजाब, गुजरात, कर्नाटक, केरळ, बिहार या राज्यांचा समावेश आहे.
हेही वाचा-विप्रोचे सीईओ अबिद अली नीमुचवाला यांचा राजीनामा; 'हे' आहे कारण
संसदेमध्ये आज आर्थिक पाहणी अहवाल सादर करण्यात येणार आहे. तर केंद्रीय अर्थमंत्री निर्मला सीतारामन १ फेब्रुवारीला अर्थसंकल्प संसदेमध्ये सादर करणार आहेत. अशा स्थितीमध्ये बँक कर्मचारी संघटनांनी संप पुकारला आहे. बँक कर्मचाऱ्यांची वेतनवाढ नोव्हेंबर २०१७ पासून प्रलंबित असल्याचे बँक कर्मचारी संघटनेने म्हटले आहे.
हेही वाचा-LIVE :अर्थसंकल्पीय अधिवेशन 2020: राष्ट्रपतींच्या अभिभाषणाला सुरुवात; सीएए आणि एनआरसीचे कौतुक
