नवी दिल्ली - नव्या वर्षात बहुतेक सर्व चारचाकी कंपन्यांच्या किमतीत वाढ होणार आहे. यामध्ये किया मोटर्सचीही भर पडली आहे. किया मोटर्सने एसयूव्ही सेल्टोजने चारचाकींच्या किमती ३५ हजारापर्यंत वाढविण्यात आल्या आहेत. या नव्या किमती १ जानेवारीपासून लागू होणार आहेत.
दक्षिण कोरियाची किया मोटर्स कंपनीने गेल्या वर्षी ऑगस्टमध्ये सेल्टोज वाहने देशात लाँच केली होती. या वाहनांच्या किमती ९.६९ लाख रुपयांपासून पुढे आहेत. १ जानेवारीपासून या चारचाकींच्या किमती ९.८९ ते १६.२९ लाख रुपयापर्यंत असणार आहेत.
हेही वाचा-निस्सान जानेवारीपासून ५ टक्क्यांनी वाढविणार वाहनांच्या किमती
सेल्टोज श्रेणीतील चारचाकींच्या किमती २५ हजार ते ३५ हजारांनी वाढविल्याचे कंपनीने म्हटले आहे. यापूर्वी मारुती सुझुकी, महिंद्रा अँड महिंद्रा, टाटा मोटर्स, टोयोटा आणि रिनॉल्ट या कंपन्यांनी वाहनांच्या किमती वाढविल्या आहेत. ह्युदांई मोटार इंडियाने सर्व वाहनांच्या किंमती जानेवारीपासून वाढविण्याचा निर्णय घेतला आहे. निस्सानने वाहनांच्या किमती ५ टक्क्यापर्यंत वाढविल्या आहेत.
हेही वाचा-अखेर ह्युदांई मोटार इंडियाही वाढविणार वाहनांच्या किंमती
