नवी दिल्ली - मोबाईलच्या वापरकर्त्यांसह दूरसंचार कंपन्यांना ५ जी तंत्रज्ञानाचे वेध लागले आहे. भविष्यातील तंत्रज्ञान असलेल्या ५ जी साठी दूरसंचार कंपनी भारती एअरटेल आणि क्वालकोम्न टेक्नॉलॉजीस या कंपन्यांनी संयुक्त भागीदारी केली आहे.
देशात ५ जी तंत्रज्ञान सुरू करण्यासाठी दूरसंचार कंपन्यांमध्ये तगडी स्पर्धा सुरू आहे. एअरटेलने ५ जी तंत्रज्ञानानाची कमर्शियल नेटवर्कवर हैदराबादमध्ये चाचणी घेऊन बाजी मारली आहे. त्याच्या पुढे जाऊन कंपनीने क्वालकोम्न टेक्नॉलॉजीसबरोबर संयुक्त भागीदारीचा करार केला आहे. त्याबाबत माहिती देताना एअरटेलने म्हटले की, नेटवर्क व्हेंडर्स आणि डिव्हाईस पार्टनर्स, दूरसंचार कंपन्यांकडून क्वालकोम्न ५ जी रॅन प्लॅटफॉर्म वापरणार आहेत. त्याचा वापर व्हर्च्युल आणि ओपन रॅन असलेल्या ५ नेटवर्कसाठी करता येणार आहे.
हेही वाचा-पाच सत्रात शेअर बाजार निर्देशांकात २,४१० अंशांची घसरण; ही आहेत चार कारणे
घरोघरी मिळणार वेगवान इंटरनेट-
एअरटेल ओ-रॅन अलायन्सचा बोर्ड मेंबर आहे. त्याच्या वापरामधून लघू आणि मध्यम उद्योगांना ५ जी तंत्रज्ञान देण्यासाठी करता येणार आहे. एअरटेल आणि क्वालकोम्न टेक्नॉलॉजीस कंपन्या एकत्रित तंत्रज्ञानाच्या देवाण-घेवाणीतून ५ जी फिक्स्ड वायरलेस अॅक्सेस (एफडब्ल्यूए) सुरू करणार आहे. त्यामुळे घरोघरी आणि उद्योगांना अत्यंत वेगवान इंटरनेटची सेवा मिळू शकणार आहे.
हेही वाचा-शेअर बाजारातील घसरणीचा फटका; गुंतवणुकदारांनी गमाविले ३.७ लाख कोटी
भारती एअरटेलचे सीटीओ रणदीप सेखोन म्हणाले की, एअरटेलच्या सेवेचा पोर्टफोलिओ आणि क्वालकोम्न टेक्नॉलॉजीस ५ जीमधील नेतृत्व या कारणांनी कंपनी भारतामध्ये आघाडीवर असणार आहे.
