मुंबई – कार्डद्वारे होणाऱ्या ऑफलाइन देयक व्यवहाराला आरबीआयने प्रायोगिकतत्वावर परवानगी दिली आहे. इंटरनेट नसलेल्या ठिकाणीही डिजीटल व्यवहाराला चालना देण्यासाठी आरबीआयने हा निर्णय घेतला आहे.
आरबीआयकडून ऑफलाइन देयक व्यवहार यंत्रणा विकसित करणाऱ्या संस्थांना प्रोत्साहन देण्यात येत आहे. त्यामुळे कमी मूल्य असलेले देयक व्यवहार हे ऑफलाइन अशा कार्ड व मोबाईल डिव्हाईसमधून देण्याची परवानगी प्रायोगिकतत्वार देण्याचा प्रस्ताव असल्याचे आरबीआयने म्हटले आहे. त्यामध्ये वापरकर्त्यांचे हितसंरक्षण आणि आर्थिक व्यवहाराची जबाबदारीही स्वीकारली जाणार आहे. ही माहिती आरबीआयने ‘धोरणांचा विकास आणि नियमनात’ जाहीर केली आहे.
या कारणाने सुरू होणार ऑफलाईन देयक व्यवहार
नव्या ऑफलाईन देयक व्यवहारांसाठी सविस्तर सूचना लवकरच जाहीर करण्यात येणार असल्याची माहिती आरबीआयने दिली आहे. इंटरनेटची कमी गती आणि इंटरनेटचा अभाव अशा समस्या दुर्गम भागात दिसून येत आहे. त्यामुळे डिजीटल देयक व्यवहार रुजण्यात मोठा अडथळा आहे. या स्थितीत कार्ड आणि मोबाईल डिव्हाईसमधून ऑफलाइन देयक व्यवहार परवानगी देण्याचा आरबीआय विचार करण्यात येत आहे.
देयक व्यवस्थेचे ऑपरेटर (पीएसओ) यांना ऑनलाइन तक्रार निवारण सुरू करावे लागणार असल्याचे आरबीआयने म्हटले आहे. ग्राहकांच्या तक्रारींचे व डिजीटल व्यवहारांचे प्रमाण वाढत असल्याचेही आरबीआयने म्हटले.
