मुंबई - भारतीय रिझर्व्ह बँकेने डिजिटल व्यवहारासाठी प्रिपेड पेमेंट इन्स्ट्रूमेंट (पीपीआयए) कार्ड आणले आहे. या कार्डद्वारे ग्राहकांना वस्तू आणि सेवांचे १० हजार रुपयापर्यंतचे आर्थिक व्यवहार करणे शक्य होणार आहे.
पीपीआय हे कार्ड केवळ बँक खात्याशी संलग्न करता येते. यापूर्वीच्या पतधोरणात आरबीआयने पीपीआय कार्ड लाँच करण्यात येणार असल्याचे जाहीर केले होते. नव्या प्रिपेड पेमेंट इन्स्ट्रूमेंट कार्डमुळे आणखी सुविधा मिळणार असल्याचे आरबीआयने म्हटले आहे.
हेही वाचा-मुकेश अंबांनींच्या संपत्तीत वर्षभरात सुमारे १ लाख १२ हजार कोटींची वाढ
या प्रिपेड कार्डवर केवळ बँक खात्यामधून रक्कम भरणे शक्य होणार आहे. त्याचा विविध बिल आणि वस्तू खरेदीसाठी वापर करणे शक्य होणार आहे. याशिवाय वित्तीय सेवांसाठीही प्रिपेड कार्डचे वापर करता येणार आहे. हे कार्ड तीन प्रकारात उपलब्ध आहे.
हेही वाचा-नादारी कायद्यातील सुधारणेचा अध्यादेश केंद्रीय मंत्रिमंडळाकडून मंजूर
