नवी दिल्ली - गुंतवणूकदारांनी बर्गर किंग इंडियाच्या प्रारंभिक भागविक्रीला (आयपीओ) मोठी पसंती दर्शविली आहे. हा आयपीओ घेण्याच्या शेवटच्या दिवशी आज गुंतवणूकदारांनी १५६.६५ पटीने अधिक अर्जभरणा (सबस्क्राईब) केला आहे.
बर्गर किंग इंडियाचे आयपीओ पात्रताधारक संस्थात्मक खरेदीदारांनी (क्यूआयबीएस) ८६.६४ पटीने अधिक प्रमाणात अर्जभरणा केले आहेत. तर बिगर संस्थात्मक गुंतवणूकदारांनी ३५४.११ पटीने अधिक प्रमाणात आयपीओ अर्जभरणा केले आहेत.
हेही वाचा-पश्चिम बंगालच्या निवडणुकीच्या तोंडावर आरबीआय सक्रिय; १९४ चिट फंडचा करणार नव्याने तपास
- बर्गर किंगला पहिल्या दिवशी काही तासातच मोठ्या प्रमाणात गुंतवणूकदारांनी प्रतिसाद दिला.
- बर्गर किंगचा आयपीए हा ८१० कोटींचा आहे. त्यामध्ये ४५० कोटी रुपये किमतीचे शेअर आहेत.
- बर्गर किंगची प्रवर्तक कंपनी क्यूएसआर एशिया प्रा. कंपनीने ६ कोटी रुपयांचे शेअर विकले आहेत. एका शेअरची किंमत ही ५९ ते ६० रुपये आहे.
- बर्गर किंग इंडियाने अँकर गुंतवणुकीत ३६४.५ कोटी रुपये उभे केले आहेत.
हेही वाचा-कॉर्पोरेटला बँकिंग परवाने देण्याची अंतर्गत समितीची केवळ सूचना-शक्तिकांत दास
बर्गर किंग इंडियाचे देशात २६८ रेस्टॉरंट-
कोटक महिंद्रा कॅपिटल कंपनी, सीएलएसए इंडिया, इडेलवयाझेस फायनान्शियल सर्व्हिसेस आणि जेएम फायनान्शियल हे बर्गर किंगचे व्यवस्थापक आहे. बर्गर किंगची देशात क्विक सर्व्हिस रेस्टॉरंट (क्यूएसआर) आहे. तर देशात २६८ रेस्टॉरंटची साखळी आहे. त्यामध्ये आठ फ्रँचाईज आहेत. या फ्रँचाईज बहुतेक विमानतळांवर आहेत. तर इतर सर्व रेस्टॉरंट कंपनीच्या मालकीची आहेत.
