नवी दिल्ली - कोरोनाने अनेक उद्योगांवर परिणाम झाला आहे. केंद्र सरकारने उद्योगांच्या संघटनांसाठी मार्गदर्शक सूचना काढल्या आहेत. यामध्ये कर्मचाऱ्यांना वेळेवर वेतन द्यावे, असे सरकारने म्हटले आहे.
उद्योग प्रोत्साहन आणि अंतर्गत व्यापार (डीपीआयआयटी) विभागाने उद्योगांच्या तीन संस्था आणि कंपन्यांचे सीईओ आणि व्यवस्थापकीय संचालकांना मार्गदर्शक सूचना पाठविल्या आहेत. यामध्ये एमएसएमईचे पुरवठादार, कंत्राटी कर्मचाऱ्यांना वेळेवर वेतन देऊन उदरनिर्वाहासाठी सहकार्य करावे, असे म्हटले आहे.
हेही वाचा-कोरोनाने आर्थिक संकट : एअर इंडियाकडून कर्मचाऱ्यांचे भत्ते १० टक्क्यांनी कमी
कोरोनाने आरोग्य आपात्कालीन स्थिती उद्भवली आहे. उद्योग आणि कॉर्पोरेट कार्यालयांनी जास्तीत जास्त कर्मचाऱ्यांना घरी बसून काम करण्यासाठी प्रोत्साहन द्यावे, असे डीपीआयआयने म्हटले आहे.
हेही वाचा-जनता कर्फ्यु : इंडिगोचे देशांतर्गत केवळ ६० टक्के विमान उड्डाणे रविवारी होणार
सार्वजनिक आरोग्य व्यवस्थेला सहाय्य करण्यासाठी सामाजिक उत्तरदायित्वासाठी (सीएसआर) खर्च वाढविण्याची विनंतीही डीपीआयआयटीने केली आहे.
