आंध्रप्रदेश - भारतीय क्रिकेटपटू हनुमा विहारी याने होमटाउन हनमकोंडा वारंगळ येथे त्याची मैत्रिण फॅशन डिजायनर प्रिती राजसोबत विवाह केला. रविवारी हा विवाह सोहळा पार पडला. या विवाह सोहळ्यास काही क्रिकेटपटू आणि प्रशिक्षक उपस्थित होते.
हनुमाने २३ ऑक्टोबर रोजी हैदराबाद येथे प्रिती राजसोबत साखरपुडा केला होता. एस.श्रीधर यांनी त्यांच्या लग्नाचा फोटो इंस्टाग्राम स्टोरीवर शेयर केला आहे. या विवाह सोहळ्यास दीड हजारपेक्षा जास्त पाहुणे मंडळी उपस्थित होते.
विहारीने २०१८ साली इंग्लंडविरुद्ध खेळताना पदार्पण केले. पहिल्याच कसोटी सामन्यात त्याने ५६ धावांची नेत्रदीपक खेळी केली होती. विहारी फलंदाजीसोबत गोलंदाजीही करु शकतो.
स्थानिक सामन्यात त्याने सातत्याने धावा केल्या आहेत. प्रथमश्रेणी क्रिकेटमध्ये खोऱ्याने धावा काढणाऱ्या विहारीला लागलीच भारतीय संघात सामील करून घेतले. आयपीएलमध्ये दिल्लीच्या संघाकडून खेळत होता. मात्र, त्याला जास्त संधी देण्यात आल्या नाहीत.
