पुणे - इमारतीच्या सातव्या मजल्यावरून 16 वर्षीय तरुण खाली पडल्याची धक्कादायक घटना पुण्यातील कोंढवा परिसरात घडली आहे. ही घटना शुक्रवारी (12 जून) रात्री 8 वाजण्याच्या सुमारास ही घटना घडली. शुभम केशव शर्मा असे इमारतीवरून पडलेल्या मुलाचे नाव आहे.
पोलिसांनी दिलेल्या प्राथमिक माहितीनुसार, कोंढवा परिसरातील कृष्णा केबल सोसायटीत शुभम केशव शर्मा आई वडिलांसोबत राहत आहे. शुक्रवारी रात्री 8 वाजण्याच्या सुमारास तो राहत असलेल्या इमारतीच्या सातव्या मजल्यावरून खाली पडला. त्याच्या कुटुंबीयनी त्याला तातडीने खासगी रुग्णालयात दाखल केले असून त्याच्यावर उपचार सुरु आहेत.
दरम्यान, या घटनेची माहिती मिळताच कोंढवा पोलिसांनी घटनास्थळी तात्काळ धाव घेतली. प्राथमिक माहितीनुसार खेळत असताना तो पाय घसरल्यामुळे खाली पडला आहे. कोंढवा पोलीस स्टेशनमध्ये याप्रकरणी गुन्हा दाखल करण्यात आला आहे.
