नवी दिल्ली : दिल्लीतील बहुचर्चित श्रद्धा हत्या प्रकरणाचा ( shraddha murder case ) उलगडा झालेला नसतानाच आणखी एक असेच प्रकरण समोर आले आहे. यामध्ये सोमवारी पूर्व दिल्लीत सापडलेल्या मानवी मृतदेहाचे गूढ उकलल्याचा दावा दिल्ली पोलिसांनी केला आहे. हे प्रकरण सुरुवातीला बेकायदेशीर सबंधाशी संबधित आहे, ज्यामध्ये दिल्लीतील पांडव नगर . ( Pandav Nagar Murder ) येथील रहिवासी अंजन दास यांची बेशुद्ध करून हत्या करण्यात आली होती आणि मृतदेहाचे तुकडे करून फ्रीजमध्ये ठेवण्यात आले होते. ही हत्या अन्य कोणी नसून त्याचा सावत्र मुलगा आणि पत्नीने मिळून केल्याचे प्राथमिक तपासात समोर आले आहे. दोघांनी अंजन दासची हत्या करून मृतदेहाचे तुकडे केले, नंतर ते फ्रीजमध्ये ठेवले आणि दररोज एक एक करून आसपासच्या परिसरात फेकले. या हत्याकांडात सहभागी असलेल्या आई आणि मुलाला पोलिसांनी अटक केली आहे.( Young Man Was Chopped Into Pieces And Kept In A Fridge )
दिल्लीत श्रद्धा हत्येसारखी घटना घडली : 5 जूनच्या रात्री पांडव नगर पोलीस ठाण्याच्या हद्दीतील रामलीला मैदानावरील झुडपात मानवी मृतदेहाचे तुकडे आढळून आल्याने खळबळ उडाली होती, पोलीस पथकाने एका पिशवीची तपासणी केली असता, त्यातून दुर्गंधी येत होती. त्यात मानवी शरीर सापडले. पोलिसांनी मृतदेह ताब्यात घेऊन तपास सुरू केला. दरम्यान, 7 जून आणि 9 जून रोजी या रामलीला मैदानाभोवती मानवी अवयवांचे आणखी काही तुकडे सापडले होते.
घरात ही घटना घडली : रामलीला मैदानाभोवती लावण्यात आलेल्या सीसीटीव्हीने हे संपूर्ण हत्याकांड उकलण्यात महत्त्वाची भूमिका बजावल्याचे सांगण्यात येत आहे. सीसीटीव्हीमध्ये आरोपी जंगलात पॉलिथिनच्या पिशव्या घेऊन जाताना दिसत होते, त्या आधारे पोलिसांनी तपास सुरू केला आणि त्यांच्यापर्यंत पोहोचले. दुपारी १ वाजता दिल्ली पोलीस मुख्यालयात पत्रकार परिषद घेऊन गुन्हे शाखा याबाबत सविस्तर माहिती देणार आहे.
