अमरावती ( आंध्रप्रदेश ) : आंध्र प्रदेशातील बापटला जिल्ह्यातील रेपल्ले रेल्वे स्थानकावर रविवारी एका २५ वर्षीय महिलेवर तिघांनी सामूहिक बलात्कार ( WOMAN GANG RAPED AT REPALLE RAILWAY STATION ) केला. अवनीगड्डा येथे काही कामासाठी जात असताना बस न मिळाल्याने हे जोडपे फलाटावर झोपले होते.
पोलिसांनी दिलेल्या माहितीनुसार, पीडित महिला पती आणि तीन मुलांसह तीन दिवसांपासून गवंडी म्हणून गुंटूर येथे आली होती. शनिवारी रात्री उशिरा ते गुंटूर-रेपल्ले पॅसेंजर ट्रेनमध्ये चढले आणि स्टेशनवर पोहोचले. दुपारी एकच्या सुमारास ते झोपले असताना तिन्ही आरोपी आले. त्यांनी पीडितेच्या पतीला उठवले. त्याला बाजूला घेऊन बेदम मारहाण केली. पत्नीने मध्यस्थी केल्यावर दोघांनी तिला जवळच्या झुडपात नेले आणि तेथे त्यांनी तिच्यावर बलात्कार केला. पीडितेच्या पतीने स्थानिक लोकांच्या मदतीने रेपल्ले पोलीस ठाण्यात जाऊन तक्रार दाखल केली.
पोलीस कर्मचार्‍यांनी परिसरात शोध घेतला असता झुडपात पीडित तरुणी आढळून आली. दोन जणांनी तिच्यावर बलात्कार केल्याचे तिने पोलिसांना सांगितले. या दाम्पत्याच्या तक्रारीवरून पोलिसांनी गुन्हा दाखल करून तपास सुरू केला. पीडित महिला आणि तिच्या जखमी पतीला रुग्णालयात दाखल करण्यात आले आहे. पोलिसांनी शोध पथके तयार केली आणि रेपल्ले येथून बाहेर पडणाऱ्या सर्व वाहनांची तपासणी सुरु केली आहे.
हेही वाचा : १८ वर्षीय नर्सवर सामूहिक बलात्कार.. रुग्णालयाच्या भिंतीवर लटकावला मृतदेह..
