कोरिया (छत्तीसगड) : छत्तीसगडच्या कोरिया जिल्ह्यातील अमरपूर नावाच्या गावात होळी एका आठवड्यापूर्वीच सर्व विधीनुसार साजरी केली जाते. येथे होलिका दहनानंतर होळी साजरी केली जाते. या गावातील वडीलधारी लोक होळी दरम्यान फाॅग आणि रंग लावतात. आता तुम्ही म्हणाल की, या गावातील लोक एक आठवडा आधीच होळी का खेळतात? त्यामागे देखील एक मोठे रहस्य आहे.
एका आठवड्यापूर्वीच का साजरी केली जाते होळी? : या गावातील ग्रामस्थांचा असा विश्वास आहे की, जर त्यांनी एका आठवड्यापूर्वी अशा प्रकारे होळी साजरा केली नाही तर ते गाव अडचणीत येईल. गावात एकतर दैवी उद्रेक होईल किंवा संपूर्ण गावाचा विनाश होईल. शेतात पिके येणार नाहीत. जमिनीतील संपूर्ण पाणी संपेल. कोणत्यातरी कारणास्तव गुराढोरांना मृत्यू होईल तसेच इथले लोक उपासमारीने मरतील आणि आजाराने ग्रस्त होतील. या सर्व गोष्टी ग्रामस्थांनी गावच्या पूर्वजांकडून ऐकल्या आहेत. हेच कारण आहे की, देशभरात होळीचा उत्सव साजरा करण्यापूर्वीच येथे होळी साजरी केली जाते. यावेळी, सर्व लोक घरात उपस्थित असलेल्या देवतांची देखील उपासना करतात.
इतर सणही आठवड्यापूर्वीच साजरे करतात : विशेष म्हणजे, या गावात केवळ होळीच नव्हे तर इतर सणही आठवड्यापूर्वीच साजरे केले जातात. ग्रामस्थांचे म्हणणे आहे की, पूर्वजांच्या म्हणण्यानुसार, जर होळीच्या दिवशी गावात एखादा उत्सव झाला असेल तर गावात एक वाईट घटना घडते. ही मान्यता गेल्या बर्‍याच वर्षांपासून सुरू आहे. यानंतर, ग्रामस्थांनी होळीसह इतर सणही एका आठवड्यापूर्वीत साजरे करण्यास सुरवात केली. यानंतर, गावात कधीही आपत्ती आली नाही. म्हणून आजही लोक या प्रथेचे अनुसरण करत आहेत.
यंदाची होळी केव्हा? : यावर्षी देशभरात होळी 8 मार्च रोजी साजरी केली जाणार आहे. तसेच होलिका दहन 7 मार्च रोजी करण्यात येणार आहे. पंचांगानुसार, पौर्णिमा तिथी 6 मार्च रोजी दुपारी 04:17 वाजता सुरू होते आणि 7 मार्च रोजी संध्याकाळी 06:09 वाजता समाप्त होते. होलिका दहन तिथी कायम आहे.
हेही वाचा : Herbal Gulal : होळीच्या रंगासाठी बीटरूट आणि गुलाबाच्या फुलांचा असा बनवा हर्बल गुलाल; त्वचेला होणार नाही इजा
