कीव - रशियन सैन्याने युक्रेनच्या लिसिचान्स्क शहरातील तेल शुद्धीकरण कारखान्यावर बॉम्बफेक केली आणि तेथे मोठी आग लागली. ( Bombing Oil Refinery In City Of Lysychansk, Ukraine ) लुहान्स्कचे प्रादेशिक गव्हर्नर सेरीही म्हणाले की, तेल शुद्धीकरण केंद्राला लक्ष्य करण्याची ही पहिलीच वेळ नाही आणि रशियन सैन्याने स्थानिक आपत्कालीन सेवा नष्ट करण्याचा प्रयत्न केल्याचा आरोपही त्यांनी केला आहे.
आठ क्षेत्रांमध्ये गोळीबार - या हल्ल्याच्या वेळी रिफायनरीमध्ये कोणतेही इंधन नव्हते. गेल्या 24 तासांत रशियन सैन्याने पूर्वेकडील डोनेस्तक, लुहान्स्क आणि खार्किव, मध्य युक्रेनमधील निप्रोपेत्रोव्स्क, पोल्टावा आणि किरोव्होहराड आणि दक्षिणेकडील मायकोलिव्ह आणि खेरसन या आठ क्षेत्रांमध्ये गोळीबार केला आहे अशी माहिती युक्रेनच्या माहिती कार्यालयाने दिली आहे.
हवाई हल्ल्यात पाच जण ठार - खार्किवमध्ये शुक्रवारी झालेल्या हल्ल्यात नऊ नागरिकांचा मृत्यू झाला आणि 50 हून अधिक लोक जखमी झाले. तर, लगतच्या इतर भागात दोघांचा मृत्यू झाला. दक्षिणेत, मायकोलिव्हवर शुक्रवार आणि शनिवारी भयानक हल्ले झाले. राष्ट्रपती कार्यालयाने दिलेल्या माहितीनुसार, हवाई हल्ल्यात पाच जण ठार तर १५ जण जखमी झाले आहेत. ( Russia-Ukraine War 53Th Day ) प्रादेशिक विधिमंडळाच्या प्रमुख हन्ना जमाजीवा यांनी शनिवारी सांगितले की, गेल्या २४ तासांत झालेल्या हल्ल्यांमध्ये ३९ जण जखमी झाले आहेत. जमझीवा म्हणाले की, रशियन सैन्याने निवासी भागांनाही लक्ष्य केले आहे.
युक्रेनकडे तितकेच रशियन सैन्य आहे - युक्रेनच्या उपपंतप्रधान इरिना वेरेशचुक यांनी शनिवारी बोलताना सांगितले, की 700 युक्रेनियन सैनिक आणि (1,000)हून अधिक नागरिक सध्या रशियन सैन्याने ओलीस ठेवले आहेत. त्यामध्ये निम्म्याहून अधिक नागरिक महिला आहेत. वेरेशचुक म्हणाले, की कीव बंदिवान सैनिकांची देवाणघेवाण करू इच्छित आहे, कारण युक्रेनकडे तितकेच रशियन सैन्य आहे. ते म्हणाले, की आम्ही नागरिकांना 'कोणत्याही अटीशिवाय' सोडण्याची मागणी करत आहोत.
क्राउन प्रिन्सने पाठिंबा दर्शविला आहे - रशियाचे अध्यक्ष व्लादिमीर पुतिन यांनी शनिवारी सौदी अरेबियाचे क्राउन प्रिन्स मोहम्मद बिन सलमान यांच्याशी चर्चा केली. रशियाने युक्रेनवर केलेल्या हल्ल्यानंतर दोन्ही नेत्यांमधील ही दुसरी चर्चा आहे. सौदी प्रेस एजन्सीच्या म्हणण्यानुसार, दोन्ही नेत्यांनी द्विपक्षीय संबंध आणि सर्व क्षेत्रांमध्ये ते वाढवण्याच्या मार्गांवर चर्चा केली. दोन्ही नेत्यांमधील फोन संभाषणाच्या संदर्भात सौदीने जारी केलेल्या निवेदनानुसार, युक्रेनच्या संकटावर राजकीय तोडगा काढण्याच्या प्रयत्नांना क्राउन प्रिन्सने पाठिंबा दर्शविला आहे.
OPEC+ वरही दोघांमध्ये चर्चा - 10 दशलक्ष अमेरिकन डॉलर्सची घोषणा - सौदी अरेबियाने अलीकडेच युक्रेनियन निर्वासितांना मानवतावादी मदतीसाठी 10 दशलक्ष अमेरिकन डॉलर्सची घोषणा केली आहे. क्रेमलिनने जारी केलेल्या निवेदनानुसार, दोन्ही नेत्यांनी येमेनमध्ये सुरू असलेल्या संघर्षावर चर्चा केली जिथे सौदीच्या नेतृत्वाखालील युती वर्षानुवर्षे युद्ध करत आहे. यासोबतच OPEC+ वरही दोघांमध्ये चर्चा झाली.
हेही वाचा - Ramoji Rao Granddaughter Married : रामोजी रावांच्या नातीचा विवाह; देशभरातील मान्यवर उपस्थित
