चित्तूर : आंध्र प्रदेशातील चित्तूर जिल्ह्यात लग्नाचा ट्रॅक्टर उलटल्याने सहा जण ठार ( Tractor Overturned Six killed ) तर २२ जण जखमी झाले. बुधवारी रात्री उशिरा पुथलपट्टू मंडलातील लक्ष्मय्या ओरू गावाजवळ हा अपघात झाला.मृतांमध्ये ट्रॅक्टर चालक, दोन महिला आणि लहान मुलांचा समावेश आहे. माहिती मिळताच पोलिसांनी घटनास्थळी धाव घेत स्थानिक लोकांच्या मदतीने बचावकार्य सुरू केले. जखमींना चित्तूर, तिरुपती आणि वेल्लोर येथील रुग्णालयात दाखल करण्यात आले आहे.( Chittoor District Tractor Overturned Six killed )
इरळा मंडलातील बालीजापल्ले या तिच्या गावातून मिरवणूक निघाली होती आणि ती गुरुवारी सकाळी लग्नासाठी जेट्टीपल्ले गावात जात होती. अपघातात बचावलेल्यांनी पोलिसांना सांगितले की, ट्रॅक्टर चालकाचा वेग जास्त असल्याने वाहनावरील नियंत्रण सुटले आणि अपघात घडला.
अपघात सुरेंद्र रेड्डी (52), वसंतम्मा (50), रेडम्मा (31), तेजा (25), विनिशा (3) आणि देशिका (2) अशी मृतांची नावे आहेत. जखमींमध्ये वर हेमंत कुमारचाही समावेश आहे. गुरुवारी सकाळी जेट्टीपल्ले गावातील भुवनेश्वरीसोबत त्याचा विवाह होणार होता. चित्तूरचे जिल्हाधिकारी आणि पोलीस अधीक्षक यांनी चित्तूर रुग्णालयाला भेट दिली आणि जखमींना सर्वोत्तम उपचार देण्याचे निर्देश वैद्यकीय अधिकाऱ्यांना दिले.
