- बारामती - जेजुरी येथे उभारण्यात आलेल्या राजमाता पुण्यश्लोक अहिल्यादेवी होळकर यांच्या पूर्णाकृती पुतळ्याचे अनावरण व लोकार्पण सोहळा राष्ट्रवादीचे अध्यक्ष शरद पवार यांच्या हस्ते थोड्याच वेळात पार पडणार आहे. या सोहळ्या प्रसंगी खासदार संभाजीराजे छत्रपती हे कार्यक्रमाच्या अध्यक्षस्थानी असणार आहेत. युवराज यशवंतराव होळकर व खासदार सुप्रिया सुळे यांची प्रमुख उपस्थिती असणार आहे.
सविस्तर वाचा- जेजुरीत शरद पवारांच्या हस्ते अहिल्यादेवींच्या पुतळ्याचे होणार अनावरण, पडळकरांच्या टीकेला पवार काय देणार उत्तर?
- चेन्नई - रोहित शर्माच्या द्विशतकी आणि उपकर्णधार अजिंक्य रहाणेच्या अर्धशतकी खेळीमुळे भारताने इंग्लंडविरुद्धच्या दुसऱ्या कसोटीच्या पहिल्या दिवसअखेर ६ बाद ३०० धावा केल्या आहेत. वरच्या फळीचे तीन फलंदाज स्वस्तात गमावल्यानंतर रोहित आणि अजिंक्यने १६२ धावांची भागीदारी रचली. फिरकी गोलंदाजांना मदत करणाऱ्या खेळपट्टीवर रोहितने आक्रमक पवित्रा धारण करत १६१ धावा तडकावल्या. त्याच्या खेळीत १८ चौकार आणि २ चौकारांचा समावेश होता.
सविस्तर वाचा- IND vs ENG : पहिल्या दिवसअखेर टीम इंडियाचे 'त्रिशतक'
- 'जम्मू-काश्मीरला विशेष दर्जा देणारे आर्टिकल 370 आम्ही रद्द केले. याला 17 महिने झाले आहेत. आम्हाला विचारण्यात येत आहे की, हे या राज्याचा विशेष दर्जा रद्द करताना दिलेली आश्वासने आमच्या लक्षात आहेत का? आम्ही त्या आश्वासनांचे काय केले? आपण 17 महिन्यांच्या हिशेबाची मागणी करत आहात. आपण 70 वर्षांत काय केले, याचा हिशेब दाखवला काय? तुम्ही तुमचे काम योग्यरित्या केले काय? तर मग, आम्हालाही विचारण्याची गरज नाही,' असा सवाल गृहमंत्री अमित शाह यांनी लोकसभेत केला.
सविस्तर वाचा- जम्मू-काश्मीरला आत्मनिर्भर राज्य बनवण्यासाठी आमचा प्रयत्न - गृहमंत्री
- मुंबई - गोरेगाव येथील पत्राचाळ पुनर्विकास 13 वर्षापासून रखडला आहे. बिल्डरने सरकार-म्हाडा-रहिवासी यांना चुना लावत 1 हजार कोटींहून अधिकचा घोटाळा केला आहे. रहिवासी 13 वर्षे बेघर असून 5 वर्षांपासून भाडेही बंद आहे. अशात हा प्रकल्प म्हाडाकडे ताब्यात घेतला असून आता पुनर्विकास मार्गी लागेल अशी आशा रहिवाशांना होती. पण ही आशा खोटी ठरली आहे. आपल्या हक्काच्या घरासाठी आंदोलन करण्याचा इशारा येथील रहिवाशांनी दिला आहे.
सविस्तर वाचा- पत्राचाळीतील रहिवासी म्हाडाविरोधात रस्त्यावर, हक्काच्या घरासाठी मंगळवारपासून साखळी उपोषण
- जळगाव - 'बीएचआर घोटाळ्यातील प्रमुख संशयित आरोपी सुनील झंवर व तत्कालीन अवसायक जितेंद्र कंडारे यांनी ३० दिवसांच्या आत पोलिसांना शरण यावे. अन्यथा, त्यांना या गुन्ह्यात फरार घोषित करण्यात येईल,' असे घोषणापत्र प्रसिद्ध करण्याचे आदेश पुणे विशेष न्यायालयाने दिले होते. त्यानुसार, पुणे पोलिसांच्या पथकाने झंवर व कंडारे यांच्या घरांसह इतर ठिकाणी नोटिसा लावल्या आहेत.
सविस्तर वाचा- बीएचआर घोटाळा प्रकरण: सुनिल झंवर, जितेंद्र कंडारेंच्या घरांवर लावल्या नोटिसा
- मुंबई - कोरोनाच्या प्रादुर्भावामुळे राज्यातील शाळा आणि महाविद्यालये बंद होती. यामुळे दहावीच्या विद्यार्थ्यांच्या कला आणि क्रिडा स्पर्धा झाल्या नाहीत. त्यामुळे सरकारने या विद्यार्थ्यांचे नुकसान न करता क्रिडा स्पर्धां अंतर्गत गुण विद्यार्थ्यांना सरसकट द्या, अशी मागणी भाजपा नेते अॅड आशिष शेलार यांनी महाराष्ट्र राज्य शिक्षक परिषदेमध्ये केली आहे.
सविस्तर वाचा- दहावीच्या विद्यार्थ्यांना सरसकट अंतर्गत गुण द्या - अॅड आशिष शेलार
- मुंबई - तरुणाईला भुरळ घालणारा प्रेमाचा आठवडा सध्या सुरू आहे. विविध डे साजरी करण्यात तरुण-तरुणी व्यस्त आहे. गेल्यावर्षी अनेक दिवस तरुणाईला कोणताही विशेष दिवस साजरा करता आला नव्हता. मात्र आता काही प्रमाणात जीवन पूर्वपदावर येताना दिसत आहे. यामुळे यंदाच्या व्हॅलेंटाईन डे उत्साहात साजरा होणार आहे. व्हॅलेंटाईन डे निमित्त मुंबईतील बाजारपेठ विविध वस्तूंनी सजली आहे. तसेच अनेक दुकानात वेगवेगळ्या ऑफर्स देखील या दिनानिमित्त देण्यात आल्या आहेत.
सविस्तर वाचा- विशेष: यावर्षी व्हॅलेंटाईन डे होणार उत्साहात साजरा
- नवी दिल्ली - 'जम्मू-काश्मीरला विशेष दर्जा देणारे आर्टिकल 370 आम्ही रद्द केले. याला 17 महिने झाले आहेत. आम्हाला विचारण्यात येत आहे की, हे या राज्याचा विशेष दर्जा रद्द करताना दिलेली आश्वासने आमच्या लक्षात आहेत का? आम्ही त्या आश्वासनांचे काय केले? आपण 17 महिन्यांच्या हिशेबाची मागणी करत आहात. आपण 70 वर्षांत काय केले, याचा हिशेब दाखवला काय? तुम्ही तुमचे काम योग्यरित्या केले काय? तर मग, आम्हालाही विचारण्याची गरज नाही,' असा सवाल गृहमंत्री अमित शाह यांनी लोकसभेत केला.
सविस्तर वाचा- 'तुम्ही 17 महिन्यांच्या हिशेबाची मागणी करता, 70 वर्षांचा हिशेब दिला काय?'
- भोपाळ - मध्यप्रदेशातील झाबुआ या आदिवासी जिल्ह्यातील भूरीबाई या आदिवासी समाजातील महिलेला नुकताच पद्मश्री पुरस्कार घोषित झाला आहे. भूरीबाई यांचा जन्म पिटोल गावात झाला. लहान वयातच विवाह झाल्याने १७ व्या वर्षी पोट भरण्यासाठी भोपाळ शहराचा रस्ता धरला. शहरातील भारत भवन या सांस्कृतीक आणि कला संग्रहालयात मजूरी करण्यासाठी आल्या तेव्हा आपण पद्मश्री पुरस्कारापर्यंतचा प्रवास करू, अशी कल्पनाही त्यांनी कधी केली नसेल. मजूर म्हणून संग्रहालयात काम करताना त्यांच्या कलागुणांना वाव मिळत गेला. भूरीबाई यांनी आपल्या जीवनप्रवासाबाबत ईटीव्ही भारतशी खास चर्चा केली आहे.
सविस्तर वाचा- मजूर ते कला क्षेत्रात पद्मश्री, मध्यप्रदेशातील भूरीबाई यांचा प्रेरणादायी प्रवास
- बॉलिवूड अभिनेता सोनू सूद पुन्हा एकदा कोविड -१९ च्या साथीच्या काळात गरजूंना मदत करण्यासाठी पुढे आला आहे. गरिबांना ई-रिक्षा वाटप करण्यासाठी त्याने पुढाकार घेतला. यावेळी त्यांनी पंजाबच्या मोगामधील गरजू लोकांना ई-रिक्षा दिल्या आहेत. याबाबत तो म्हणाला, “गरजू लोकांना मदत करण्यासाठी माझे हे लहानसे योगदान आहे. आम्ही हे काम संपूर्ण देशात करत आहोत. मी मोगापासून सुरुवात केली आहे कारण हे माझे शहर आहे आणि लोकांचे आनंदी चेहरे पाहून मला आनंद झालाय. ” सोनू सूदनेही शेतकरी आंदोलनावर भाष्य केले आहे. तो म्हणाला, “यावर तोडगा काढायला हवा. शेतकरी आणि सरकारने दोघांनीही एकमेकांचे म्हणणे ऐकले पाहिजे आणि एक निष्कर्ष काढला पाहिजे. "
सविस्तर वाचा- सोनू सूदने पुन्हा मने जिंकली, होमटाऊन मोगामध्ये वाटल्या ई-रिक्शा
