नवी दिल्ली - उष्णतेचा सामना करणाऱ्या उत्तर-पश्चिम भारताला सोमवारपासून काही दिवस थोडासा दिलासा मिळू शकतो. या भागात पाऊसासर मोठे वादळ येण्याची शक्यता हवामान विभागाने वर्तवली आहे. ( strong winds of 40 kmph in India for the next 24 hours) दरम्यान, येत्या 24 तासांत 30 ते 40 किमी प्रतितास वेगाने वारे वाहतील, असा अंदाज हवामान खात्याने वर्तवला आहे. त्यामुळे कमाल तापमानात घट होणार आहे. विभागाचे वरिष्ठ अधिकारी आरके जेनामानी यांनी सांगितले की, वेस्टर्न डिस्टर्बन्स दिल्लीकडे सरकत आहे. दिल्ली, पश्चिम उत्तर प्रदेश, राजस्थान, पंजाब, हरियाणासह संपूर्ण उत्तर-पश्चिम भारतात पाऊस आणि गडगडाटाचा इशाराही देण्यात आला आहे.
५ मेपर्यंत या भागात ढगाळ वातावरण राहील. तसेच, मोठ्या प्रमाणात वारे वाहतील असा अंदाजही त्यांनी व्यक्त केला आहे. 7 मे नंतर पुन्हा कडक ऊन पडण्याची शक्यता आहे. रविवारी सकाळी दिल्लीत ढगाळ आकाश आणि थंड वाऱ्यांपासून दिलासा मिळाला. दुपारी बारा वाजल्यानंतर उन्हाचा तडाखा अधिकच कडक होऊ लागला. कमाल तापमान सामान्यपेक्षा 40.5 अंश सेल्सिअस जास्त आणि किमान तापमान 25.8 अंश सेल्सिअसने सामान्य तापमानापेक्षा एक जास्त होते.
देशभरात वाढते तापमान आणि उष्णतेची लाट पाहता केंद्रीय आरोग्य सचिव राजेश भूषण यांनी रविवारी राज्यांच्या मुख्य सचिवांना एक आदेश जारी केला आहे. त्यामध्ये त्यांना प्रभावी व्यवस्था करण्यास सांगितले आहे. त्यांनी म्हटले आहे की राज्यांसह राष्ट्रीय रोग नियंत्रण केंद्र (NCDC) आणि हवामान विभाग (IMD) दररोज उष्णतेबद्दल निर्वानिचा इशारा देत असतात.
त्यांनी राज्यांना उष्णतेशी संबंधित आजारांवरील राष्ट्रीय कृती आराखड्यातील मार्गदर्शक तत्त्वे जिल्हा स्तरावर प्रसारित करण्यास सांगितले. ते म्हणाले की, राज्यांनी त्यांच्या सर्व आरोग्य कर्मचार्‍यांना उष्णतेच्या आजारांचे लवकर निदान आणि व्यवस्थापन याबाबत माहिती द्यावी. ते म्हणाले की, सर्व आरोग्य केंद्रांवर पिण्याचे पाणी पुरेशा प्रमाणात उपलब्ध असावे. तसेच गंभीर भागात कूलिंग उपकरणे योग्यरित्या कार्य करणे आवश्यक आहे.
आरोग्य सचिव म्हणाले की IV द्रवपदार्थ, बर्फाचे पॅक, ORS आणि सर्व आवश्यक उपकरणे आरोग्य सुविधांमध्ये नेहमीच उपलब्ध असावीत. अंगातली उष्णता कमी करण्यासाठी कूलिंग उपकरणे कार्यरत राहावीत यासाठी त्यांनी आरोग्य केंद्रांमध्ये अखंडित वीजपुरवठा करण्यास सांगितले.
काय करावे
- दुपारी 12 ते 3 वाजेच्या दरम्यान कोणतेही तातडीचे काम नसल्यास घराबाहेर पडू नका.
- जेव्हा तुम्ही दुपारी बाहेर असाल तेव्हा उन्हापासून सौरक्षण करण्यासाठी काहीतही ठेवा.
- चहा, अल्कोहोल, कॉफी किंवा साखरेचे प्रमाण जास्त असलेली पेये पिणे टाळा.
- उच्च प्रथिने आणि चरबीयुक्त पदार्थांचे सेवन टाळा.
- मुलांना किंवा पाळीव प्राण्यांना पार्क केलेल्या वाहनात एकटे सोडू नका.
- घरातून बाहेर पडताना नेहमी पाण्याची बाटली सोबत ठेवा.
- अंगावर हलके कापड घालावे, डोके कापडाने झाकावे.
हेही वाचा - Raj Thackeray on loudspeaker : भोंग्यांचा प्रश्न धार्मिक नही तर सामाजिक - राज ठाकरे
