श्रीनगर Terrorist Encounter In JK : जम्मू काश्मीरमध्ये पाकिस्तानकडून सातत्यानं घुसखोरी करणाऱ्या दहशतवाद्यांची संख्या जास्त आहे. मात्र भारतीय सैन्य दलानं संयुक्त काराई करत एका वर्षात तब्बल 31 दहशतवाद्याचा खात्मा केल्याची माहिती जम्मू काश्मीर पोलिसांनी बुधवारी दिली आहे. जम्मू काश्मीर पोलीस विविध सुरक्षा दलांसोबत संयुक्त कारवाईत सहभागी होत आहेत. पोलिसांनी दहशतवाद्यांचा खात्मा करण्यासाठी विविध ऑपरेशन्स राबवले आहेत. यात आतापर्यंत 31 दहशतवाद्यांना यमसदनी धाडण्यात यश आल्याचं या अधिकाऱ्यानं सांगितलं.
संयुक्त कारवाईत आतापर्यंत मारले 31 दहशतवादी : जम्मू आणि काश्मीरमध्ये घुसखोरी करणाऱ्या दहशतवाद्यांचा डाव उधळण्यासाठी भारतीय सैन्य दलातील जवान सतर्क असतात. त्यांना जम्मू काश्मीर पोलीस दलाचीही मोठी साथ मिळत आहे. भारतीय सैन्य दल, पोलीस, एसएसबी, सीमा सुरक्षा दल (बीएसएफ) आणि केंद्रीय राखीव पोलीस दल (सीआरपीएफ) यांनी जम्मू काश्मीरमध्ये संयुक्त कारवाई केली. 2023 या वर्षात आतापर्यंत काश्मीरमध्ये संयुक्त कारवाईत एकूण 31 दहशतवादी मारले गेल्याची माहिती या पोलीस अधिकाऱ्यानं दिली आहे.
जम्मू काश्मीर पोलिसांची अशी आहे आकडेवारी : जम्मू-काश्मीर पोलीस दल, भारतीय सैन्य दल आणि सशस्त्र सीमा दल यांनी ही संयुक्त कारवाई केली. या संयुक्त कारवाईत एक दहशतवादी ठार करण्यात आला. जम्मू-काश्मीर पोलीस, भारतीय सैन्य दल आणि सीमा सुरक्षा दलाच्या संयुक्त कारवाईत दोन दहशतवादी ठार करण्यात आल्याची माहिती पोलीस अधिकाऱ्यांनी दिली.
47 दहशतवादी मारले, तर 204 पकडले : जम्मू-काश्मीर पोलीस दल, भारतीय सैन्य दल आणि केंद्रीय राखिव पोलीस दलानं केलेल्या संयुक्त कारवाईत पाच दहशतवाद्यांचा खात्मा करण्यात आला. तर जम्मू काश्मीर पोलीस आणि भारतीय सैन्य दलानं केलेल्या संयुक्त कारवाईत 23 दहशतवादी मारले गेले. या वर्षी 26 सप्टेंबरपर्यंत जम्मू काश्मीरमध्ये केंद्रीय राखीव पोलीस दल (CRPF) आणि इतर भारतीय सुरक्षा दलांनी केलेल्या अनेक कारवाईत एकूण 47 दहशतवादी मारले गेल्याची माहिती या पोलीस अधिकाऱ्यांनी दिली. जम्मू काश्मीरमध्ये तब्बल 204 दहशतवादी पकडण्यात आल्याचंही त्यांनी यावेळी सांगितलं.
जम्मू काश्मीरमध्ये 111 दहशतवादी सक्रिय : जम्मू काश्मीरमध्ये यावर्षी 1 जानेवारी ते 26 जानेवारी या काळात मारल्या गेलेल्या 47 दहशतवाद्यांपैकी 9 दहशतवादी स्थानिक होते. तर 38 विदेशी दहशतवाद्यांचा समावेश आहे. सध्या जम्मू काश्मीरमध्ये एकूण 111 दहशतवादी सक्रिय असल्याची माहिती या पोलीस अधिकाऱ्यांनी दिली. यात 40 दहशतवादी स्थानिक असून 71 विदेशी दहशतवाद्यांचा समावेश असल्याचंही यावेळी सांगण्यात आलं आहे. मागच्या वर्षी जम्मू-काश्मीरमध्ये 137 दहशतवादी सक्रिय होते, अशी माहितीही त्यांनी यावेळी दिली आहे.
हेही वाचा :
