नवी दिल्ली: टी-20 विश्वचषक 2022 साठी, भारतीय क्रिकेट नियामक मंडळाने ( BCCI ) 15 मुख्य खेळाडू तसेच 4 स्टँडबाय खेळाडूंची घोषणा काही दिवसांपूर्वी केली आहे. यामधून संदेश स्पष्ट आहे की संघ व्यवस्थापन खेळाडूंच्या अंतिम निवडीबाबत दुविदामध्ये आहे. ऑस्ट्रेलियात खेळल्या जाणाऱ्या 2022 टी-20 विश्वचषकासाठी भारतीय संघाची घोषणा करताना, डावखुरा वेगवान गोलंदाज अर्शदीप सिंगसह ( Fast bowler Arshdeep Singh ) जसप्रीत बुमराह आणि हर्षल पटेल यांचा समावेश करण्यात आला आहे. तर वेगवान गोलंदाज मोहम्मद शमी आणि दीपक चहर यांना स्टँडबाय खेळाडू म्हणून ठेवण्यात आले आहे. त्याच वेळी, मधल्या फळीतील फलंदाज श्रेयस अय्यर आणि फिरकी गोलंदाज रवी बिश्नोई यांना देखील स्टँडबाय खेळाडू म्हणून तयार राहण्यासाठी संघात सामील करण्यात आले आहे, जेणेकरून हे खेळाडू शेवटच्या क्षणी बदलांसाठी तयार असतील.
भारतीय क्रिकेट नियामक मंडळाचे अधिकारी त्यांची रणनीती किंवा योजना सांगत आहेत, परंतु क्रीडा तज्ज्ञांचे म्हणणे आहे की भारतीय क्रिकेट नियामक मंडळ आणि संघ व्यवस्थापनाने अंतिम 10 किंवा 12 खेळाडूंसाठी अद्याप स्पष्ट मत बनवलेले नाही. टी-20 विश्वचषक 2022 करता कोणते 10 किंवा 12 खेळाडू असे आहेत की त्यांना दुखापत झाली नाही, तर ते सर्व सामन्यांमध्ये नक्कीच खेळतील. खेळपट्टी आणि हंगामानुसार एक किंवा दोन खेळाडू बदलले जातील. आशिया चषकाच्या प्रयोगाची पुनरावृत्ती पुढील तीन सामन्यांमध्ये होईल, असे दिसते. त्यामुळे हार्दिक पांड्याला विश्रांती ( Hardik Pandya )देण्यासोबतच दुखापतग्रस्त दीपक हुडाच्या जागी अष्टपैलू शाहबाज अहमदला संधी दिली जात आहे. जडेजासाठी हा योग्य पर्याय असू शकतो, कारण तो डावखुरा फिरकी गोलंदाज तसेच डावखुरा फलंदाज आहे.
मोहम्मद शमीच्या खेळण्यावर सस्पेन्स ( Mohammed Shami Fitness ) -
दुखापतग्रस्त खेळाडूंमध्ये दीपक हुडा दक्षिण आफ्रिका मालिकेसाठी संघाबाहेर आहे. याशिवाय वेगवान गोलंदाज मोहम्मद शमीच्या उपलब्धतेवरही सस्पेन्स कायम आहे. विश्वचषकासाठी स्टँडबाय खेळाडूंमध्ये समाविष्ट असलेला शमी अद्याप पूर्णपणे तंदुरुस्त असल्याचे सांगितले जात नाही. यूएईमध्ये 2021 टी-20 वर्ल्ड कपपासून शमीने या फॉरमॅटमध्ये एकही आंतरराष्ट्रीय सामना खेळलेला नाही. त्याचबरोबर जुलै महिन्यापासून तो इंग्लंड मालिकेनंतर पांढऱ्या चेंडूच्या क्रिकेटपासून दूर आहे. ऑस्ट्रेलिया मालिकेपूर्वी त्याला कोरोनाची लागण झाली होती. तो अजूनही पूर्णपणे तंदुरुस्त नसल्याचे सूत्रांकडून सांगण्यात येत आहे. त्यामुळेच तो संघासह तिरुअनंतपुरमलाही पोहोचलेला नाही.
कार्तिक की पंत कोणाला मिळणार संधी -
ऋषभ पंत आणि दिनेश कार्तिक ( Rishabh Pant and Dinesh Karthik ) या दोघांचा टी-20 विश्वचषक 2022 साठी टीम इंडियामध्ये समावेश करण्यात आला आहे. परंतु प्लेइंग इलेव्हनमध्ये समावेश करण्याबाबत विविध तर्कवितर्क लावले जात आहेत. यष्टिरक्षक म्हणून ऋषभ पंत आणि फिनिशर फलंदाज म्हणून दिनेश कार्तिकला अंतिम 11 खेळाडूंमध्ये संधी द्यायची असेल, तर दक्षिण आफ्रिकेविरुद्धच्या मालिकेतील तिन्ही सामन्यांमध्ये दोघांनाही संधी द्यायला हवी. या दोन खेळाडूंपैकी एकालाच संधी मिळाली, तर हे दोन खेळाडू 2022 च्या टी-२० विश्वचषकात सर्व सामने एकत्र खेळणार नाहीत हे निश्चित आहे. त्यांना खेळवायचे की न खेळवायचे याचा निर्णय कर्णधार आणि संघ व्यवस्थापन घेतील.
अष्टपैलू शाहबाज अहमद ( All Rounder Shahbaz Ahmed ) -
दक्षिण आफ्रिका मालिकेसाठी भारतीय संघात अष्टपैलू शाहबाज अहमदला ( All rounder Shahbaz Ahmed ) संधी देऊन, रवींद्र जडेजाला पर्याय शोधण्यासाठी पुढाकार घेण्यात आला आहे. बॅटने ठसा उमटवण्यासोबतच हा खेळाडू डाव्या हाताने चांगली फिरकी गोलंदाजी करण्यातही माहीर आहे. आयपीएलमधील चांगल्या कामगिरीमुळे शाहबाजला टीम इंडियामध्ये संधी देण्यात आली आहे. अष्टपैलू शाहबाजने आयपीएलमध्ये आतापर्यंत 29 सामने खेळले आहेत. या मोठ्या लीगमध्ये 279 धावा करण्यासोबतच त्याने 13 विकेट्सही घेतल्या आहेत.
टीम इंडियासाठी भुवनेश्वर कुमारचा पर्याय ( Bhuvneshwar Kumar Option For Team India )-
भारताचा सर्वात अनुभवी आणि भरवशाचा गोलंदाज भुवनेश्वर कुमार गेल्या काही सामन्यांपासून डेथ ओव्हर्समध्ये अपेक्षेप्रमाणे कामगिरी करू शकला नाही. यानंतरही टीम इंडियाच्या व्यवस्थापनाने त्याला संधी देऊन चांगली कामगिरी करण्याची अपेक्षा व्यक्त केली होती. मात्र दक्षिण आफ्रिकेविरुद्धच्या संघात त्याचा समावेश नाही. अशा परिस्थितीत त्याचा पर्याय म्हणून इतर गोलंदाजांना आजमावण्याची संधी असेल. जो अधिक चांगली कामगिरी करेल तो विश्वचषकात भुवनेश्वरचा पर्याय ठरू शकतो तसेच त्याला अधिक सामने खेळण्याची संधी मिळू शकते.
विश्वचषकापूर्वी ही योजना ( Team India Plan For T20 World Cup 2022 ) -
टीम इंडिया 23 ऑक्टोबरला पाकिस्तानविरुद्ध टी-20 विश्वचषकातील पहिला सामना खेळणार आहे. अशा परिस्थितीत दक्षिण आफ्रिकेविरुद्धची टी-20 मालिका ही भारताची विश्वचषकापूर्वीची शेवटची मालिका असेल. यामध्ये, कर्णधार रोहित शर्माचा तिन्ही सामन्यांमध्ये आपली सर्वोत्तम प्लेइंग इलेव्हन आणण्याचा आणि 2022 च्या टी-20 विश्वचषक स्पर्धेच्या तयारीची चाचणी घेण्याचा आणि खेळणाऱ्या खेळाडूंच्या फॉर्मची चांगली ओळख करून देण्याचा मानस आहे. कोहली फॉर्मात आल्याने आणि सूर्यकुमार यादव सातत्याने धावा करत असल्याने पहिल्या 4 क्रमांकापर्यंत मधली फळी मजबूत असल्याचे मानले जाते. यानंतर अष्टपैलू म्हणून अक्षर पटेल किंवा शाहबाज अहमदला संधी दिली जाऊ शकते.
यासोबतच आणखी एक फिरकी गोलंदाज युजवेंद्र चहल संघाचा भाग असू शकतो. वेगवान गोलंदाजांमध्ये भुवनेश्वरच्या अनुपस्थितीत हर्षल पटेल, दीपक चहर, जसप्रीत बुमराह यांना सर्व सामन्यांमध्ये संधी मिळण्याची खात्री आहे. आता दोन खेळाडूंमध्ये दिनेश कार्तिकला फिनिशर फलंदाज म्हणून संधी द्यायची की पंतला यष्टिरक्षण आणि फलंदाजी द्यायची की या दोघांपैकी एकाला अन्य तज्ञ गोलंदाज किंवा फलंदाजाला संधी द्यायची हे संघ व्यवस्थापनाला ठरवायचे आहे. सामन्यात अक्षर पटेल आणि शाहबाज अहमद या दोघांनाही अष्टपैलू म्हणून संधी दिल्याने पंत किंवा कार्तिकला संधी मिळू शकते.
दक्षिण आफ्रिकेसाठी भारतीय संघ ( Team India For South Africa Series )
रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, श्रेयस अय्यर, ऋषभ पंत (यष्टीरक्षक), दिनेश कार्तिक, आर अश्विन, युझवेंद्र चहल, अर्शदीप सिंग, मोहम्मद शमी, हर्षल पटेल, दीपक चहर, जसप्रीत बुमराह, श्रेयस अय्यर.
भारत वि दक्षिण आफ्रिका ( IND vs SA T20 Series Schedule )
- पहिला सामना : 28 सप्टेंबर 2022 तिरुवनंतपुरम- ग्रीनफिल्ड आंतरराष्ट्रीय क्रिकेट स्टेडियम
- दुसरा सामना : 2 ऑक्टोबर 2022 आसाम - बारसापारा क्रिकेट स्टेडियम
- तिसरा सामना : 4 ऑक्टोबर 2022 इंदूर-होळकर क्रिकेट स्टेडियम
सामना सुरु होण्याची वेळ : संध्याकाळी 7 वाजता
टी-20 विश्वचषकासाठी टीम इंडिया ( Team India for T20 World Cup ) -
फलंदाज: रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव
अष्टपैलू: हार्दिक पंड्या, दीपक हुडा, रविचंद्रन अश्विन, अक्षर पटेल
यष्टिरक्षक: ऋषभ पंत (यष्टीरक्षक), दिनेश कार्तिक (यष्टीरक्षक)
फिरकी गोलंदाज: युझवेंद्र चहल
वेगवान गोलंदाज: जसप्रीत बुमराह, भुवनेश्वर कुमार, हर्षल पटेल आणि अर्शदीप सिंग
स्टँडबाय प्लेअर -
वेगवान गोलंदाज: मोहम्मद शमी आणि दीपक चहर
मधल्या फळीतील फलंदाज: श्रेयस अय्यर
फिरकी गोलंदाज : रवी बिश्नोई
