हैदराबाद : रामोजी ग्रुप ऑफ कंपनीचे माजी एमडी अटलुरी राममोहन राव यांचे निधन झाले आहे. राममोहन राव दीर्घकाळ रामोजी ग्रुप ऑफ कंपनीशी संबंधित होते. ईनाडू दैनिकाचे एमडी म्हणून काम करणारे अटलुरी राममोहन राव यांचा जन्म 1935 मध्ये कृष्णा जिल्ह्यातील पेडापरपुडी येथे झाला होता. त्यांनी 1975 मध्ये ईनाडूमधून आपल्या कारकिर्दीला सुरुवात केली होती. ( Atluri Rammohan Rao Passes Away )
रामोजी ग्रुपचे अध्यक्ष रामोजी राव हे राममोहन राव यांचे बालपणीचे मित्र आहेत. रामोजी फिल्म सिटीचे व्यवस्थापकीय संचालक म्हणून निवृत्त झालेले अटलुरी राममोहन राव (८७) यांचे शनिवारी हैदराबाद येथील एआयजी रुग्णालयात उपचारादरम्यान निधन झाले. रविवारी सकाळी १० वाजता ज्युबली हिल्स येथील महाप्रस्थानम येथे अंत्यसंस्कार करण्यात येणार आहेत.
