प्रसिद्ध कॉमेडियन राजू श्रीवास्तव यांचे आज निधन झाले. ते 58 वर्षआंचे होते. त्यांच्यावर उद्या 22 सप्टेंबर रोजी Raju Srivastava Funeral on September 22 दिल्लीतील निगमबोध घाटावर अंत्यसंस्कार होणार असल्याची माहिती त्यांच्या कुटुंबीयांनी दिली आहे.
काॅमेडियन राजू श्रीवास्तव ( comedien raju shrivastav ) यांचे वयाच्या ५८ व्या वर्षी दिल्लीतील एम्समध्ये निधन ( comedien raju shrivastav passes away ) झाले. त्याच्या कुटुंबीयांनी याला दुजोरा दिला. जिममध्ये वर्कआउट करताना त्यांच्या छातीत दुखू लागल्याने श्रीवास्तव यांना १० ऑगस्ट रोजी दिल्लीच्या एम्समध्ये दाखल करण्यात आले होते.त्याच दिवशी त्यांची अँजिओप्लास्टी करण्यात आली होती. त्याच्या हृदयामध्ये अनेक ब्लॉकेज असल्याचा अहवाल समोर आल्यानंतर एम्सच्या डॉक्टरांच्या टीमने त्यांची अँजिओग्राफी करण्याचा निर्णय घेतला होता. मात्र, त्यांच्या प्रकृतीत फारशी सुधारणा होत नव्हती. अखेर ४१ दिवस व्हेंटिलेटरवर मृत्यूशी झुंज देत श्रीवास्तव यांनी आज आपला जीव सोडला. राजू श्रीवास्तव यांच्या निधनाची बातमी समोर आल्यापासून संपूर्ण देशात शोककळा पसरली आहे. सर्वजण ओल्या डोळ्यांनी त्यांना आदरांजली वाहत आहेत.
राजू श्रीवास्तव यांचा परिचय - आपल्या कौशल्याने लोकांना खळखळून हसवणारे राजू श्रीवास्तव हे उत्तर प्रदेशातील कानपूर जिल्ह्यातील रहिवासी होते. श्रीवास्तव यांचा जन्म २५ डिसेंबर १९६३ रोजी कानपूरमधील एका मध्यमवर्गीय कुटुंबात झाला. त्यांच्या वडिलांचे नाव रमेशचंद्र श्रीवास्तव होते, ते स्वतः कवी होते. श्रीवास्तव 1980 च्या दशकाच्या उत्तरार्धापासून मनोरंजन उद्योगात काम करत आहेत. 2005 मध्ये स्टँड-अप कॉमेडी शो "द ग्रेट इंडियन लाफ्टर चॅलेंज" च्या पहिल्या सीझनमध्ये भाग घेतल्यानंतर त्यांना ओळख मिळाली होती. त्यांनी 'मैने प्यार किया', यांसारख्या चित्रपटांमध्ये काम केले आहे. 'आमदानी अथन्नी खर्चा रुपैया', 'मैं प्रेम की दिवानी हूं' यासह इतर चित्रपटामध्ये त्यांनी काम केले आहे.
ट्रक क्लीनर म्हणून कारकिर्दीची सुरुवात - कानपूरच्या रस्त्यांवर फिरून मायानगरीत फिरणाऱ्या राजू भैय्या यांनी आपल्या प्रतिभेच्या जोरावर लोकांच्या मनावर राज्य केले आहे. कॉमेडीचा अजरामर राजा गजोधर भैया या नावानेही त्यांची ओळख होती. 25 डिसेंबर 1963 रोजी कानपूर येथे जन्मलेले राजू श्रीवास्तव यांचे वडील रमेशचंद्र श्रीवास्तव हे प्रसिद्ध कवी होते. बाळा काकांच्या नावाने ते कविता म्हणायचे. एका मुलाखतीदरम्यान राजू श्रीवास्तव म्हणाले होते की, लहानपणी त्यांना कविता वाचायला सांगितल्या जात होत्या, त्यामुळे ते त्यांच्या वाढदिवसाला कविता पाठ करायचे. 1982 मध्ये राजू श्रीवास्तव मुंबईत आले होते. येथूनच त्यांचा संघर्षाचा प्रवास सुरू झाला. सुरुवातीच्या दिवसांत तो उदरनिर्वाहासाठी ऑटो रिक्षाही चालवत असे.
तेजाब या चित्रपटाद्वारे बॉलिवूडमध्ये पदार्पण - त्यानंतर त्यांनी चित्रपटांमध्ये छोट्या भूमिका केल्या. राजू श्रीवास्तव यांनी अनिल कपूरच्या तेजाब या चित्रपटाद्वारे बॉलिवूडमध्ये पदार्पण केले. या चित्रपटात ते आपल्या विनोदी भूमिकेतून खूप चर्चेत आले होते. यानंतर त्यांनी सलमान खानच्या मैने प्यार किया या चित्रपटात ट्रक क्लीनरची भूमिका साकारली होती. याशिवाय त्याने शाहरुख खानसोबत बाजीगर या चित्रपटात महाविद्यालयीन विद्यार्थ्याच्या भूमिकेतही काम केले आहे. याशिवाय आम अथनी खरखा रुपैयामध्ये बाबा चिन चिन चू, वाह तेरा क्या कहना मधील बन्ने खानच्या सहाय्यकाची भूमिका, मैं प्रेम की दीवानी हूं मधील शंभू, संजनाचा नोकर अशा छोट्या भूमिका केल्या.
अमिताभची नक्कल केल्याबद्दल मिळाले 50 रुपये - राजू श्रीवास्तव यांचे अमिताभ बच्चन यांच्यावर खूप प्रेम होते. बिग बींचा शोले चित्रपट राजू भैय्याला खूप आवडयचा. त्याचा परिणाम त्यांच्यावरही झाला. हा चित्रपट पाहिल्यानंतर ते अमिताभ बच्चन यांच्यासारखे बोलू लागले, उठू लागले, बसू लागले. इथून गजोधर भैया यांनी अमिताभ बच्चन यांची नक्कल करायला सुरुवात केली. राजू श्रीवास्तव अमिताभ बच्चन यांची मिमिक्री खूप छान करतात. पहिल्यांदा अमिताभची नक्कल केल्याबद्दल त्यांना 50 रुपये बक्षीस म्हणून मिळाले.
2005 साली मोठा ब्रेक - प्रदीर्घ काळ इंडस्ट्रीत आपली प्रतिभा दाखवणाऱ्या राजू भैयाला आता एका मोठ्या ब्रेकची गरज होती. 2005 साली स्टार वनवर प्रसारित झालेल्या द ग्रेट इंडियन लाफ्टर चॅलेंज शोमध्ये राजू श्रीवास्तव यांनी भाग घेतला. या शोने राजू श्रीवास्तव यांचे आयुष्यच बदलून टाकले. या शोच्या माध्यमातून त्याला खूप प्रसिद्धी मिळाली. हा तो शो होता ज्याच्या अंतर्गत राजू श्रीवास्तव कॉमेडी किंग बनले. या कार्यक्रमातून श्रीवास्तव घराघरात पोहचले. द ग्रेट इंडियन लाफ्टर चॅलेंजनंतर, राजू श्रीवास्तवने प्रसिद्ध रिअ‍ॅलिटी शो बिग बॉस 3 मध्ये देखील भाग घेतला. यानंतर तो कॉमेडी शो महामुकबाला सीझन 6, नच बलिए सारख्या शोमध्येही दिसले.
